Асосий контентга ўтиш
Sog'lom Avlod

Соғлиқни сақлаш вазири А. Шодмонов: “Тиббиёт ходимини мажбурий меҳнатга жалб этиш энди тарихда қолади”

30.04.2018
40 марта ўқилди
Соғлиқни сақлаш вазири А. Шодмонов: “Тиббиёт ходимини мажбурий меҳнатга жалб этиш энди тарихда қолади”

Ижтимоий соҳа ходимларининг жамоат ишларига мажбурий жалб этилаётгани, бу борада айрим маҳаллий раҳбарлар томонидан қонунбузарлик ва кўзбўямачилик ҳолатлари кузатилаётгани Президентимиз Шавкат Мирзиёев томонидан жиддий танқид қилинмоқда. Ижтимоий соҳа ходимларини мажбурий меҳнатга жалб этган ҳар бир раҳбар қаттиқ огоҳлантирилган эди.

Ушбу топшириқлар ижросини таъминлаш мақсадида Соғлиқни сақлаш вазирлигида кенгайтирилган видеоселектор йиғилиш ўтказилди. Йиғилишда ижтимоий соҳа ходимларини жамоат ишларига мажбурий жалб этишга чек қўйиш борасида қатор вазифалар белгиланди. Жумладан, ходимларнинг меҳнат ҳуқуқларини бузилишининг олдини олиш, уларнинг ҳуқуқий билимларини ошириш, тиббиёт ходимларини қишлоқ хўжалиги, коммунал хўжалик, ободонлаштириш ишларига мажбуран жалб этилмаслигини алоҳида назоратга олиш бўйича шифохоналар кесимида доимий ишловчи комиссиялар ташкил қилиш белгиланди.

Видеоселектордан сўнг соғлиқни сақлаш вазири А.Шодмонов тиббиёт ходимларини мажбурий меҳнатга жалб этилишининг ачинарли оқибатлари хусусида ўз фикр-мулоҳазаларини билдирди:

– Президентимиз ижтимоий соҳа вакилларини мажбурий меҳнатга жалб этиш, кўзбўямачилик билан шуғулланишни давлат раҳбарининг сиёсатига хиёнат дея баҳолади. Куни кеча Ўзбекистон Республикаси Вазирлар Маҳкамасида бўлиб ўтган йиғилишда ҳам бу ҳақида алоҳида таъкидланди. Илгари шифокору ҳамширани турли жамоат ишларига олиб чиқишга йўл қўйилгандир, лекин бугун замон ўзгарди, ёндашув ўзгарди. Тиббиёт ходимини мажбурий меҳнатга жалб этиш энди тарихда қолади. Соғлиқни сақлаш тизимининг барча бўғиндаги раҳбарлари шуни англаши лозимки, Президентимиз Шавкат Мирзиёевнинг халқпарвар сиёсати мажбурий меҳнат деган иллатни таг-туги билан йўқотишга, халқ манфаатини бирламчи ўринга қўйишга қаратилган. Тизимда фаолият юритаётган ҳеч бир ходим энди мажбурий меҳнатга жалб этилмайди. Кўзбўямачилик, бир-биримизни алдаш билан бугун ўтиши мумкиндир, лекин бу билан келажакни қура олмаймиз.

Теглар:#2018/17

Тиббиёт янгиликларидан хабардор бўлинг!

«Соғлом Авлод» расмий Telegram каналига аъзо бўлинг.

Каналга ўтиш (@soglomuz)

Шу мавзудаги бошқа мақолалар

Барчаси
Бир ёшгача бўлган болалар: нима мумкин эмас?Саломатлик

Бир ёшгача бўлган болалар: нима мумкин эмас?

Соғлиқни сақлаш вазирлиги ташаббуси билан юртимиз бўйлаб ўтказилган «Боланинг соғлом овқатланиш ҳафталиги» муносабати билан вазирлик Матбуот хизмати гўдакнинг соғлом улғайишида она

22.06.2023322
Соғлом бўлишнинг 6 та олтин қоидасиСаломатлик

Соғлом бўлишнинг 6 та олтин қоидаси

Жаҳон соғлиқни сақлаш ташкилоти маълумотларига кўра, бугун дунё аҳолисининг 60 фоизга яқини етарли даражада жисмоний фаолият билан шуғулланмайди. Оқибатда юрак-қон томир тизими хас

12.06.2023287
«Кесарча» йўли билан фарзанд кўрган аёлга табиий туғуруқ ман этиладими?Саломатлик

«Кесарча» йўли билан фарзанд кўрган аёлга табиий туғуруқ ман этиладими?

Жаҳон соғлиқни сақлаш ташкилоти маълумотларига кўра, бугун дунёда кесарча кесиш амалиёти орқали туғилаётган чақалоқлар улуши 20 фоизни ташкил қилмоқда. Агар жараён шу тахлит давом

24.05.2023243
Она сутининг бола ҳаётида аҳамияти қанчалик муҳим?Саломатлик

Она сутининг бола ҳаётида аҳамияти қанчалик муҳим?

Пойтахтимизда сақлаш вазирлиги ва ЮНИСЕФ ташаббуси билан “Она сути билан озиқлантириш бўйича ахборот бериш салоҳиятини кучайтириш” мавзусида семинар-тренинг ташкил этилди. Унда Қор

26.07.2024327