Бугун мамлакатизда бўлаётган кенг миқиёсдаги ўзгариш ва янгиланишларни кўриб, юртдошларимиз қалбида “мен ҳам инсонлар оғирини енгил қилсам, давлатимиз равнақи йўлида баҳоли қудрат ўз ҳиссамни қўшсам” деган эзгу мақсад жўш урмоқда.
Бундан бир неча йил аввал Германиянинг ДААД фонди томонидан грант асосида Гёттинген илмий текшириш институтида малака ошириш курсини ўтаб қайтдим. Гёте институтида икки ой давомида немис тилини ўргангач, шаҳарда қолиб, бошпана излашимга тўғри келди. Баъзи расмиятчиликлардан сўнг барча қулайликларга эга бўлган кўп қаватли уйлардан бирига жойлашдим.
Биринчи гал бинога кирганимда йўлакдаги барча чироқлар ўчган ҳолатда эканлигини кўриб, бироз ҳайрон бўлдим. Эътибор берсам, биринчи қаватдаги чироқ ёқиладиган тугманинг ўртаси ёришиб турибди. Тугмани босиб, чироқни ёқдим ва иккинчи қаватга кўтарила бошладим. Қизиғи, пиллапоялар тугаши билан чироқ ўз-ўзидан ўчиб қолди. Бу ҳолатдан бироз ажабланиб, иккинчи қаватдан пастга қарадим. “Чироқни ким ўчирди экан? дея бироз кутиб турдим, лекин ҳеч қандай оёқ товуши эшитилмади. Шундан кейин қаватдаги тугмани босиб, ўз хонам томон юрдим, эшик олдига келиб, хонамни очар-очмас, яна йўлак чироғи ўчди. Кейин билсам, бу ердаги барча электр чироқлари маълум вақт ёниб туриши учун “таймер” орқали бошқарилар экан.
Афсуски, бугун баъзи юртдошларимиз электр энергиясидан кўп ҳолларда мақсадсиз фойдаланишади. Қолаверса, давлат тасарруфидаги ёки хусусий корхоналарга кирсангиз, кундузи ҳам ёритиш чироқлари ёниб турганининг гувоҳи бўласиз. Хўш, ахборот технологиялари шиддат билан ривожланаётган замонда нега биз турмуш тарзимизга ана шундай янгиликларни жорий этмаслигимиз керак?! Масалан, бугун республикамизда қурилаётган кўп қаватли бинолардаги умумий фойдаланиш учун мўлжалланган йўлаклардаги чироқларга ана шундай мосламалар ўрнатиш мумкинку! Агар шундай йўл тутилса, электр энергиясини анча тежаган, бу орқали мамлакатимиз иқтисодиётига катта фойда келтирган бўлар эдик.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти
СаломатликТер ҳидини йўқотиш мумкин
Терлашнинг ечими оддий – шахсий гигиенага эътибор бериб, махсус воситаларни қўллаш. Аммо улар ҳам ёрдам бермаса-чи? Терлаш ўз йўлига-ю, аммо тер ҳидини бартараф этиш масалада. Кўп
ТабобатҚандай ҳолатда ўт-тош касаллигини операциясиз даволаш мумкин?
Ўт пуфаги – овқат ҳазм қилиш тизимининг муҳим аъзоларидан бири. Шу сабабли унда кузатиладиган муаммолар организм фаолиятига салбий таъсир этади. Айниқса, ўт пуфагида ҳосил бўладига
СаломатликБир ёшгача бўлган болалар: нима мумкин эмас?
Соғлиқни сақлаш вазирлиги ташаббуси билан юртимиз бўйлаб ўтказилган «Боланинг соғлом овқатланиш ҳафталиги» муносабати билан вазирлик Матбуот хизмати гўдакнинг соғлом улғайишида она