Зўравонлик қурбонига айланган аёлларни реабилитация қилиш маркази иш бошлади

Навоий шаҳрида Хотин-қизлар қўмитаси қошида Аёллар ижтимоий кўмаклашув маслаҳат Маркази ўз фаолиятини бошлади.

Оилавий муаммолар ва маиший зўравонликка дуч келаётган аёлларни ўз жонига қасд қилишининг олдини олиш мақсадида марказ фаолияти тиббий-психологик, ижтимоий ва ҳуқуқий ёрдам кўрсатишга йўналтирилган. Марказда мутахассис, психолог, юрист, шифокор, оналар ва болалар хоналари фаолият юритиб, у ерга мурожаат қилган аёлларга малакали мутахассислар томонидан зарур ёрдам кўрсатилади.