Пойтахтимизнинг Яшнобод туманидаги 4-шаҳар клиник шифохонаси тубдан реконструкция қилиниб, фойдаланишга топширилди. Шу муносабат билан бўлиб ўтган тадбирда давлат ва жамоат ташкилотлари вакиллари, олимлар, шифокорлар иштирок этди.
Тадбирда сўзга чиққанлар мамлакатимизда Биринчи Президентимиз Ислом Каримов раҳнамолигида соғлиқни сақлаш тизимини ислоҳ этиш борасида амалга оширилган узлуксиз чора-тадбирлар инсон саломатлигини асраш ва жамият тараққиётини юксалтиришнинг муҳим омили бўлаётганини алоҳида таъкидлади.
“Соғлом она ва бола йили” Давлат дастури доирасида бу борадаги ишлар кўлами тобора кенгаймоқда. 4-шаҳар клиник шифохонаси пойтахтимизнинг Яшнобод, Бектемир, Миробод, Мирзо Улуғбек, Сергели туманлари аҳолисига хизмат кўрсатади.
Биринчи Президентимиз Ислом Каримовнинг 2013 йил 18 ноябрдаги Ўзбекистон Республикасининг 2014 йилги инвестиция дастури тўғрисидаги қарори асосида ушбу тиббиёт муассасасида босқичма-босқич қурилиш-реконструкция ишлари амалга оширилди. Бу ишларга 27 миллиард сўмдан кўпроқ маблағ йўналтирилди.
Реконструкция ишлари натижасида клиниканинг барча бўлимлари замонавий қиёфага кирди. Биноларнинг атрофи тубдан ободонлаштирилиб, яшил ҳудудлар барпо этилди. Барча бўлимлар жаҳон тиббиётининг энг сўнгги ютуқлари асосида янги тиббий диагностика воситалари, жиҳозлар билан таъминланди. Замонавий УТТ, МСКТ, рентген, лапароскопик воситалар, физиотерапия муолажаларини ўтказишда қўлланиладиган тиббий асбоб-ускуналар бунга мисолдир.
– Муассасамиз аҳолига тиббиётнинг барча йўналишлари, хусусан, тез ва шошилинч тиббий ёрдам кўрсатиш борасида энг замонавий шароитларга эга бўлди, – дейди 4-шаҳар клиник шифохонаси бош шифокори Содиқ Алимов. – Бу имкониятлардан оқилона фойдаланиш, аҳолига кўрсатилаётган тиббий хизмат сифатини янада ошириш муҳим вазифамиздир. Шу мақсадда диагностика ва даволаш амалиётига жаҳон тиббиётининг янги услубларини татбиқ этиш борасида изчил иш олиб борилмоқда. Шифохонамизда Тошкент тиббиёт академияси, Тошкент педиатрия тиббиёт институти ва бир қатор ихтисослашган марказларнинг махсус кафедралари жойлашгани илмий-амалий ҳамкорликни ривожлантириш, тиббиёт ютуқларидан оқилона фойдаланишда муҳим омил бўлаётир.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббиёт оламиЭндопротезлаш амалиёти: реабилитация даврида нималар тақиқланади?
Юқори технологик жарроҳлик амалиётлари замонавий тиббиётнинг энг катта ютуқларидан бири. Аммо илғор усулларда бажарилган операциялар ҳам ҳали беморнинг дарддан тўлиқ халос бўлганин
Тиббиёт оламиОИВ инфекцияси нима?
ОИВ инфекцияси манбаи – бемор одамлар бўлиб, яширин давр бир неча ойдан 10-15 йилгача давом этиши мумкин. Бу даврда касаллик белгилари намоён бўлмайди ва ОИВ билан зарарланган шахс
Тиббиёт оламиКуз мавсуми болалар соғлиғига қай даражада таъсир кўрсатади?
Куз – пишиқчилик мавсуми, ўзгаришлар фасли. Унинг табиатига монанд об-ҳаво ҳам тобора салқинлашиб бораверади. Шу боис шифокорлар мазкур фаслда саломатликка кўпроқ эътиборли бўлишни
Тиббиёт оламиҚулоқ пардасининг тешилиши тикланадими?
Қулоқ пардасининг тешилишида қон кетиши, эшитиш қобилияти пасайиши, бош айланиши, қулоқда кучли оғриқ пайдо бўлади. Ташхис отоскопик текширув орқали амалга оширилади. Инфекцияни да