Юртимизга баҳор келиши билан байрамлар шодиёналарга уланади. Дарахтларнинг оппоқ гулга бурканиши, кўклам табиатининг ажиб таровати, инсон қалбига ўзгача хуш кайфият улашади.
Қувонарлиси, айни кунларда диёримиз бўйлаб Наврўзи олам шукуҳи кезиб юрибди. Жойларда халқ сайллари ўтказилиб, юртдошларимиз байрамни катта хурсандчилик билан нишонламоқда. Шундай бетакрор лаҳзаларда жаннатмакон юртда туғилганимдан, Ўзбекистон фарзанди эканимдан қалбим чексиз ғурурга тўлади.
Шу ўринда айтиш керакки, мамлакатимизда хотин-қизлар спортини ривожлантириш борасида олиб борилаётган кенг қамровли ислоҳотлар боис, йилдан-йилга спортчи қизлар сафи кенгайиб бормоқда. Ёшларнинг жисмонан соғлом, маънан етук шахс бўлиб вояга етиши, она Ватанимиз қудратига қудрат қўшиб, юртга наф келтирадиган ақл-заковатли, юксак фазилатли инсонлар бўлишида спортнинг ўрни беқиёс.
Ватанимиз келажаги, халқимизнинг эртанги куни, мамлакатимизнинг жаҳон ҳамжамиятида муносиб ўрин эгаллаши, биз ёшларнинг қандай инсон бўлиб, катта ҳаётга кириб боришимизга боғлиқ. Айтиш жоизки, шаҳар-қишлоқларимизда барпо этилаётган замонавий ва муҳташам ўқув даргоҳлари, ижодиёт марказлари, спорт-соғломлаштириш мажмуалари ёш авлоднинг беғубор орзу-ниятлари рўёбига хизмат қилмоқда.
Ана шундай юксак ғамхўрлик туфайли 2012 йилда илк бор дзюдо бўйича Ўзбекистон чемпиони, деган номга сазовор бўлдим. Кейинчалик спортнинг дзюдо, самбо, миллий кураш турларида 13 карра мамлакат чемпионлигини қўлга киритдим. Шунингдек, дзюдо бўйича Осиё чемпионати ва яна турли нуфузли халқаро мусобақаларда қатнашиб, совриндорлар сафидан жой эгалладим. Ҳозирда Навоий вилояти, Учқудуқ қурилиш ва уй-жой коммунал хўжалиги касб-ҳунар коллежи 2-босқич ўқувчисиман.
Қувонарлиси, бу йил Зулфия номидаги Давлат мукофотини қўлга киритган юртимизнинг энг бахтиёр 15 нафар қизларидан бирига айландим. Мен ушбу юксак мукофотни маданият ва спорт йўналишида қўлга киритдим. Кўкрак нишонини Юртбошимиз шахсан ўз қўллари билан кўксимга таққани нафақат юксак шараф, балки елкамга улкан масъулият юклади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш