Эртанги кунининг бугунидан ҳам ёруғ, фаровон бўлишини истаган ҳар бир миллат, энг аввало, ёш авлод камолотига алоҳида эътибор қаратади. Бундай эзгу саъй-ҳаракат ифодасини ҳар бир киши мисолида ҳам кўриш мумкин.
Пойтахтимизнинг Олмазор туманидаги 190-мактабгача таълим муассасасида ҳам болалар тарбиясига ёндашув ўзига хос тарзда йўлга қўйилган. Мазкур масканда “Соғлом бола йили” давлат дастурида белгиланган тегишли вазифаларни бажариш доирасида янги – махсус гуруҳда тарбияланувчи ташкил этилди. Уч-тўрт ёшли болаларни қамраб олган бу гуруҳ бадиий гимнастика, рақс тўгараклари машғулотларида қатнашиши, инглиз тили сабоқларини олиши билан ҳам бошқа гуруҳлардан фарқланади. Гуруҳда ҳар бир болага алоҳида ёндашилиб, тарбияланувчининг имкониятларидан келиб чиққан ҳолда машғулотлар ўтказилади. Ҳали ўз ишини бошлаганига кўп вақт бўлмаса-да, болаларнинг ўрганган билим ва кўникмаларини устозлари ва ота-оналарига намоён этиш мақсадида гуруҳда “Ўйнаб ўйлаймиз – ўйлаб ўйнаймиз” деб номланган очиқ машғулот ташкил этилди.
Дарҳақиқат, болаларнинг ўзига хос олами бор. Уларнинг кўнглига йўл топиш машғулотлар ва сабоқларнинг янада самарали бўлиши учун энг муҳим калитдир. Машғулотлар жараёнини кузатиш учун таклиф қилинган ота-оналар ҳам ўз фарзандларининг чизган расмлари, бадиий гимнастика машқларини бажаришлари, хорижий сўзларни бурро-бурро гапиришларини кузатиб, дилбандлари ишончли қўлларда эканига яна бир бор амин бўлдилар.
Гуруҳ раҳбари Зуҳра Аҳмедова машғулотлар рус тилида олиб борилаётганига қарамасдан болаларнинг қизиқиш билан ҳар бир сабоқни ўзлаштираётганини, шунингдек, тарбияланувчиларни она табиатга меҳр, спортга, саломатлик тўғрисидаги бошланғич билимларга қизиқтириш, уларнинг соғлом ва баркамол бўлиб ўсиши учун мустаҳкам асос бўлиб хизмат қилишини таъкидлади.
Тадбирни кузатар эканмиз, мустақиллик фарзандларининг нақадар эътиборда эканидан кўнглимиз тоғдек кўтарилди. Заррада қуёш акс этганидек, 190-мактабгача таълим муассасасида ўзимиз гувоҳ бўлган янгиланишлар юртимизда кенг қулоч ёзган – “Фарзандлари соғлом юрт қудратли бўлур, қудратли юртнинг фарзандлари соғлом бўлур” эзгу шиори нақадар ҳаётбахш аҳамият касб этаётганини кўрсатади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш