Баҳром аканинг қувончи ичига сиғмайди. Суюнмасинми, уч қиздан сўнг ўғиллик бўлди, ахир! Дилим муродига етди, дея чақалоққа Дилмурод деб исм қўйди. Кунларнинг кетидан ойлар, йиллар ўтаверди. Болакай улғайиб, ширин-ширин қилиқлар чиқара бошлади. Оиланинг қувончи, опаларининг овунчоғига айланди.
Аввалига ҳаммаси рисоладагидек эди. Лекин вақт ўтгани сайин Дилбар опанинг кўнглига ғулғула оралай бошлади. Назарида ўғилчасининг оёқлари жуда нимжон, ҳаракатлари сустроқдек эди. Турмуш ўртоғи билан маслаҳатлашиб, шифокорга мурожаат қилишди. Узоқ текширувлардан сўнг Дилмуродга якуний хулоса – оёқ фалажлиги ташҳиси қўйилди.
Дилмурод ногиронлар аравачасига михланиб қолгач, камгап, одамови бўлиб қолди. Унинг бирорта ҳам дўсти йўқ эди. Шу боис жуда-жуда зерикарди. Маҳалладаги болаларнинг чопқиллаб ўйнаб юрганини деразадан томоша қилиб ўтирарди. Бу ҳолни кўрган онанинг қўнгли ўксиб, кўз ёшларини ўғлидан беркитиб йиғлайди. Бундан бир неча йиллар олдин онасининг сўзига кирмаганидан афсусланди...
Дилбар билан Баҳром болаликдан бирга ўсди. Битта олий ўқув юртини тамомлади. Бирга ишлади. Ҳаётнинг пасту баландини бундан кейин ҳам бирга босиб ўтиш учун ёшлар турмуш қуришга аҳд қилди. Баҳромнинг онаси буни эшитиб хурсанд бўлди, бироқ... Аммо қизнинг онаси бироз норози бўлди. Чунки, улар опа-сингилнинг фарзанди эди. Шунга қармай Дилобар аҳдидан қайтмади. Келинлик сарполари, дугоналарнинг ҳавас билан боқиши, янги орзулар ҳаммаси унинг учун аъло даражада онасининг хавотири эса ўринсиз туюлди.
Шовқин-сурон билан тўй ҳам ўтдию, умр дарёси яна секин оқа бошлади. Йиллар ўтиб, умид билан кутилган ўғил туғилди. Аммо бегуноҳ норасида катталарнинг ўйламай қилган хатосининг жабрини тортишга маҳкум бўлди. Ногиронлик аравасидан туролмайдиган ўғлига кўз-қулоқ бўлиш учун ишини ҳам ташлади. Ўғлининг маҳзун нигоҳларига қараб, ўзини гуноҳкор ҳис этади. Онаси қариндошлик ришталари ўртасидаги турмушнинг оқибатлари ҳақида кўп бора огоҳлантирган эди. Вақтида онасининг гапига қулоқ солмагани учун бутун умр ўзини кечиролмаса керак...
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш