“Олтин қалам”чилар қаерда? Қизиқ савол, шундай эмасми? Журналистлар ижодий уюшмаси томонидан ташкил этилган тадбирда маърузачилардан бири, Халқаро пресс-клуб раиси Шерзод Қудратхўжаев журналистларга юзланиб шундай савол берди. Ҳа, эсизгина, ўша ерда “Олтин қалам” мукофотини олганлар йўқ экан-да, бўлмаса боплаб саваланармиди... Аммо бу мурожаатни фақат “Олтин қалам” мукофотини олганларга қаратилган, деб бўлмайди. Бу савол “Олтин қалам” билан бир қаторда журналистлар учун таъсис этилган бошқа мукофотларни ҳам қўлга киритган совриндорларга тегишли. Бугун нега уларнинг аксарияти (ҳаммаси эмас) жим?
Мазкур саволнинг берилишига етарлича сабаблар мавжуд. Бугун давлатимиз раҳбари ҳар бир соҳани танқидий кўриб чиқаётган, ҳар бир туманни шахсан ўзлари бориб, у ердаги шарт-шароитларни кўздан кечираётган бир даврда айрим журналистларнинг қўл-қовуштириб ўтириши, очиғи, ярашмайди.
Журналистлар ижодий уюшмаси томонидан ташкил этилган тадбирда шу каби қатор масалалар муҳокама этилди. Очиқ нигоҳ билан қаралганда, бугун ҳақиқий, халқ билан ҳамнафас, елкама-елка туриб, уларнинг дардини тинглайдиган, улар билан бирга ёниб, бирга муаммоларини ҳал эта оладиган журналистлар кам. Тадбирда бунинг сабабларидан бири журналист кадрларни тайёрлашдаги муаммолар экани таъкидланди. Бу биринчи масала.
Иккинчи масала, журналистларни етиштириб чиқараётган факультетлар масаласи. Ахир, асосий журналистлар шу ердан етишиб чиқяпти.
“Ўзбекистон миллий университети ва Ўзбекистон жаҳон тиллари университетидаги журналистика факультетларини бирлаштириш керак. Уларнинг ўрнига эса, журналистлар институти ёки академия очиш таклифини бериш лозим. Сабаби, бугун факультетни битириб чиқаётган талабаларнинг ҳаммаси ҳам журналист кадр бўлиб чиқмаяпти”, дейди Халқаро пресс-клуб раиси, Шерзод Қудратхўжаев.
Тадбирда, шунингдек, журналистлар малакасини ошириш институти ҳам ташкил этилиши керак, деган таклифлар билдирилди. Зеро, шифокорлар, ўқитувчиларнинг малакаси оширилаётган бир вақтда ўз қолипидан чиқмай қолган кўплаб журналистлар учун бундай институтнинг бўлиши, албатта, яхши.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
МаданиятХалқаро кўргазма: кўриб чиқиш ва намойиш этиш платформаси
"Ўзэкспомарказ" павильонларида 15-юбилей Марказий Осиё "Тўқимачилик ускуналари ва технологиялари – CAITME 2024" халқаро кўргазмаси бўлиб ўтмоқда. Бу йил 15 йиллигини нишонлаётган C
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».