Витаминлар етишмаслиги феъл-атворга таъсир қилади

Организмингизнинг қайси витамин ва минералларга эҳтиёжи баландлигини билмоқчимисиз? Марҳамат, аниқлашга ёрдамлашиш биздан, организмни тўйинтириш эса сиздан.

Депрессия магний танқислигидан дарак.

Улар миямизга ферментлар ишлаб чиқариш учун зарур. Ферментлар барча аъзо ва тизимларнинг ишлашини таъминлайди. Айниқса, ақлий ривожланиш ва диққат-эътиборни жамлаш учун муҳим. Стресс ва давомли депрессия пайтида уларнинг организмдаги даражаси сезиларли пасаяди.

Тез-тез такрорланувчи циститлар С витамин етишмаслигидан далолатдир.

Агар цистит сабабчиси зарарли бактериялар бўлса, унда фақатгина тиббий воситалар ёрдамида даволаниш мумкин. Инфекциянинг олдини олиш учун эса аскорбинка қабул қилишнинг ўзи етарли. Тадқиқотлар шуни кўрсатдики, витамин С пешоб йўллари шиллиқ қавати кислоталилигини оширади.

Витамин С нинг кунлик миқдори (60 мг) битта олма ёки иккита унчалик катта бўлмаган киви ҳамда бир стакан апелсин шарбати таркибида мужассам.

Муздек кафт ва оёқлар селенга эҳтиёж борлигини билдиради.

Селен қалқонсимон без фаолияти учун зарур бўлилб у организмда муҳим гормонлар ишлаб чиқарилишида қатнашади. Гормонлар моддалар алмашинувини тартибга солиш билан бирга қон айланишини ҳам қўллайди. Бироқ томирларнинг тугаш қисми жудаям ингичка ва юракдан узоқ бўлгани боис, қон айланишидаги салгина кучсизлик ҳам кафт ва оёқ ҳароратида билинади.

Селен ёнғоқ, писта, дуккакли экинлар, балиқ, денгиз маҳсулотларида бор. Унинг кунлик миқдорини 200 г треска ёки горбуша (балиқ турлари) таъминлайди.

Жароҳатлар вақтида кўп қон кетиши витамин К етишмовчилигини билдиради.

Бу витамин кам ўрганилган, бироқ унинг қон қуюлиши учун зарурлиги аллақачон аниқланган. Агар витамин К танқислиги юзага келса кўп қон йўқотилиши мумкин.

Витамин К ни яшил сабзавотлардан, нон, гўштдан олиш мумкин.

Оғиздан ҳид келиши витамин С етишмаслигидан...