Болалар учун исталган бир восита харид қилиш чоғида кўпчилик ота-оналар турли саволлар исканжасида қолади. Бу хоҳ кийим-кечак, хоҳ мебель жиҳозлари бўлсин. Табиийки, барча фарзанди учун энг муносибини танлашга ошиқади.
Болажон учун транспорт воситаси – велосипед танлаш ҳам бир қадар мураккаб жараён саналади. Бунда фарзандингиз ёши ва бўйини инобатга олмаган бўлсангиз танлов борасида хатоликка йўл қўйишингиз ҳеч гап эмас.
Болалар учун велосипед танлашда, энг аввало, унинг ёши ва бўйини инобатга олинг. Бу хариднинг энг асосий шарти саналади.
| Боланинг ёши | Бўйи, см | Ғилдирак ўлчами, дюм |
| 1 - 3 | 75 дан 95 гача | < 12" |
| 3 - 4 | 95 дан 101 гача | 12" |
| 4 - 6 | 101 дан 115 гача | 16" |
| 6 - 9 | 115 дан 128 гача | 20" |
| 9 - 13 | 126 дан 155 гача | 24" |
Боланинг ёшига қараб велосипед танлаймиз
1 ёшдан 3 ёшгача
Бу турдаги кичик транспорт воситалари енгил ва кичик кўринишда бўлиб, асосан унинг уч ғилдиракли тури болажон учун жуда қулай ҳисобланади. Ҳозирда кенг тарқалган, катталарнинг суриб юриши учун мўлжалланган митти велосипедлар айнан мазкур ёшдаги болажонлар учун жуда қулай.
3 ёшдан 4 ёшгача
Бу ёшдаги болалар бир қадар фаол бўлиб, севимли транспорт воситасини ўзи мустақил равишда бошқаришни хуш кўради. Бу ёшдаги велосипедларда бақувват бўлмали ғилдирак ва қўшимча равишда махсус ён ғилдирак (ўрганиш учун) ўрнатилган бўлади. Бундан ташқари мазкур ёшдаги болалар учун велосипедда бошни кутилмаган зарбдан ҳимояловчи юмшоқ ўрамага эга руль, тўлиқ ҳимояланган занжир (боланинг кийимларини ўзига тортиб олишининг олдини олади ва лойларнинг сачрашига қарши восита саналади), юмшоқ ва мустаҳкам ўриндиққа эга бўлиши муҳим саналади. Демак, унинг асоси: 12 дюмли ғилдирак, 1 даражали тезлик, орқа оёқ тўхтатиш мосламаси (тормоз), ҳимояловчи ён ғилдираклардан иборат бўлиши керак.
4 ёшдан – 6 ёшгача
Бу турдаги транспорт воситалари ташқи кўриниши ва асбоб-ускуналари аввалгиларидан фақатгина ғилдирак диаметрининг ўзгариши билангина фарқланади. Демак, бу ёшга мўлжалланган транспорт ғилдирак диаметри 16 дюм, 1 даражага эга тезлик кўрсаткичи, орқа оёқ тормози, ҳимояловчи ён ғилдиракларига эга бўлади.
6 ёшдан 9 ёшгача
Бу ёшдаги велосипедлар катталар велосипедининг бир кўринишига ўхшаб кетади. Унинг ён ҳимоя ғилдиракларига бу ёшга келиб умуман эҳтиёж сезилмайди. Энди фарзандингиз ушбу транспорт воситасини бемалол бошқара олади. У ўзида 20 дюмли ғилдирак, 1 дан 6 гача тезлик кўрсаткичи, олд ва орқа тўхташ мосламаларини жамлаган бўлади.
9 ёшдан 13 ёшгача
Мазкур турдаги транспорт воситалари катталар велосипедидан ҳеч қандай фарқ қилмайди. Ғилдираклар бироз катталашиб 24 дюмга етади. Агар фарзандингиз бўйи 135 смдан баланд бўлса, 26 дюмли ғилдиракларни танласангиз ҳам бўлади. Демак, бу турдаги велосипед ғилдираклари 24 дюмли, 1 дан 24 тезлик кўрсаткичига эга, орқа ва олд тўхташ мосламалари мавжуд ва олд амортизаторга эга бўлиши мақсадга мувофиқ саналади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларКичкинтойларга кўзойнак танлашда нималарга эътибор бериш керак?
Ҳозирги кунда болалар ўртасида кўзойнак тақувчилар сони кўп учрамоқда. Бу, бир томондан, эндиликда кичкинтойларнинг кўзи эртароқ ёшида текширилаётганига боғлиқ. Шу туфайли уларда к
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла