Чилонзор туманидаги 2-тери-таносил касалликлари диспансери бош шифокори, олий тоифали шифокор Дилбархон Муҳитдинова қарийб 15 йилдирки, эл саломатлигига посбонлик қилиб келмоқда. Д.Муҳитдинова пойтахтимиздаги 19-ўрта умумтаълим мактабини имтиёзли тамомлаб, 1991-йилда 1-Давлат тиббиёт институтининг (ҳозирги Тошкент тиббиёт академияси) даволаш факультетига ўқишга қабул қилинди.
Олий ўқув юртини муваффақиятли тамомлагач, “Тери ва таносил касалликлари” кафедрасида клиник ординатурани ўтади. Сўнгра, у ўзининг шифокорлик фаолиятини пойтахтимизнинг Олмазор (собиқ С.Раҳимов) туманидаги 4-тери-таносил касалликлари диспансерида шифокор-дерматолог сифатида бошлади. Мазкур диспансерда хизмат қилиш ёш шифокорга олий тиббиёт даргоҳи ҳамда клиник ординатурада олган назарий билимларини амалиёт билан боғлаш имконини берди.
Дилбар опанинг аҳоли саломатлигини муҳофаза қилиш борасида олиб бораётган самарали фаолияти эътиборга олиниб, уни Чилонзор тумани 2-тери-таносил касалликлари диспансери бош шифокори ўринбосари лавозимига тайинланди. Унинг ўз соҳасини пухта билиши, хушмуомалалиги уни тез орада мазкур диспансернинг бош шифокори лавозимига тайинланишида муҳим омил бўлди. У қаерда, қайси лавозимда ишламасин, олий ўқув даргоҳида унга таълим берган устозларининг ўгитларини доимо ёдда тутди.
– Мен ўзимнинг биринчи устозим, тиббиёт фанлари доктори, профессор, малакали шифокор Радик Капкаевни чуқур ҳурмат билан ёдга оламан, – дейди Д.Муҳитдинова. – Устозим менга ҳар бир беморга алоҳида ёндашиш лозимлигини, айниқса, беморнинг касаллиги тури ҳақида зинҳор ўзга кишига маълумот бермаслик, бемор билан ўта сабрли ҳамда хушмуомала бўлиш кераклигини уқтирар эди. Шифокорлик фаолиятимда ана шу маслаҳат ва ўгитларга амал қилиб кам бўлмадим.
Дунёда шундай одамлар бўладики, уларнинг қалби эзгулик нури билан йўғрилган. Шу боис улар кечани кеча, кундузни-кундуз демасдан тер тўкишади, ўзларининг ҳаловатларидан кечиб бўлса-да фидойилик кўрсатишади. Ана шу фидойиликдан улар ҳам маънан, ҳам руҳан озуқа оладилар.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларКузги аллергия шамоллаш ва гриппдан қандай фарқланади?
Куз фаслида бурун оқиши, аксириш, йўтал, кўз ёшланиши ва қичишиши каби белгилар тез-тез учрайди. Кўпчилик бундай аломатларни шамоллаш ёки грипп билан боғлайди. Аслида эса улар мавсумий аллергиядан ҳам дарак бериши мумкин. Хўш, кузги аллергиянинг асосий сабаблари нималар? Уни ЎРВИ ва гриппдан қайси белгилари орқали фарқлаш мумкин?
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош