Қиш фаслининг совуқ кунларида айрим инсонларга тез-тез учуқ тошади. Герпес ёки халқ тилида учуқ деб аталувчи ушбу касаллик вирусли инфекция ҳисобланади. Унинг қўзғатувчиси оддий герпес вирусидир. Учуқ асосан оғиз ва бурун атрофида кузатилади. Одатда инфекция билан инсон болалик чоғида тўқнашади. Вирус одамга касал оила аъзоси ёки қариндошлари орқали юқиши мумкин.
Шунингдек, инфекция бола организмига ҳомила пайтида тушади. Бироқ унинг аломатлари онадан ўтган иммунитет ҳисобига юзага чиқмайди. Вақт ўтиб, иммунитет пасайгач, яна пайдо бўлади.
Биламизки, қиш фаслининг совуқ кунларида ўткир респиратор инфекцияларга чалиниш оқибатида аксарият инсонларда иммунитет пасаяди. Ушбу инфекция эса айнан тананинг курашиш қобилияти сустлашган пайтда фаоллашиб, кўпаяди.
Шу сабабли ҳам кўпчилик герпесни шамоллаш аломати, деб ўйлайди ва уни даволашга етарлича эътибор қаратмайди. Уй шароитида ўзбошимчалик билан турли муолажа усулларини қўллашга ҳаракат қилади. Ваҳоланки, сурункали давом этаётган учуқ тошмаси организмдаги вируслар таъсирида юзага келади.
Шамоллаш эса шунчаки тана ҳимоя тизимини заифлаштирувчи омил, холос.
Агар учуқ йилда бир ёки икки марта безовта қилса, хавотирли эмас. Аммо касаллик сурункали давом этса, албатта, мутахассисга мурожаат қилиш зарур. Шифокор лозим топса, қондаги вируслар миқдори ёки тошмадан олинган суртма намунасига кўра таҳлил ўтказиши мумкин. Бу орқали хасталикка қарши махсус муолажа буюрилади.
Агар вирусни даволашга етарлича эътибор берилмаса, тери, шунингдек, асаб тизимида жиддий муаммолар юзага келиши мумкин. Шу боис учуқнинг олдини олиш учун организмни чиниқтириш, мавсумга мос кийиниш, иммунитет мустаҳкамлигига эътибор қаратиш зарур.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларБолага уй шароитида муолажа қилишда ота-оналар қандай хатоларга йўл қўяди?
Совуқ ва ёғингарчилик – ўткир респиратор вирусли инфекциялар авж олиши учун қулай муҳит. Ана шу даврда шамоллаш ва грипп сингари мавсумий касалликлар болалар ўртасида кенг тарқалад
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
Тиббий сабоқларКузги аллергия шамоллаш ва гриппдан қандай фарқланади?
Куз фаслида бурун оқиши, аксириш, йўтал, кўз ёшланиши ва қичишиши каби белгилар тез-тез учрайди. Кўпчилик бундай аломатларни шамоллаш ёки грипп билан боғлайди. Аслида эса улар мавсумий аллергиядан ҳам дарак бериши мумкин. Хўш, кузги аллергиянинг асосий сабаблари нималар? Уни ЎРВИ ва гриппдан қайси белгилари орқали фарқлаш мумкин?