Маълумки, аҳолига малакали тиббий хизмат кўрсатиш, уарни сифатли дори-дармон воситалари билан таъминлаш давлатимизнинг устувор вазифаларидан бири ҳисобланади. Куни кеча пойтахтимиздаги Миллий матбуот марказида бўлиб ўтган тадбир ҳам аҳолини сифатли дори-дармон воситалари билан таъминлаш борасида олиб борилаётган ишлар ва истиқболдаги вазифаларга бағишланди.
Сўнгги йилларда мамлакатимизда тиббиёт соҳасида улкан ўзгаришлар амалга оширилди. Хусусан, қишлоқ врачлик пунктлари базаси мустаҳкамланди. Турли ихтисослаштирилган марказлар ҳамда шошилинч тиббий хизмат тизими ташкил этилди. Шунингдек, тиббиётнинг муҳим бўғини ҳисобланмиш фармацевтика соҳасида қўлга киритилаётган ютуқлар салмоқлидир. Айниқса, аҳоли саломатлигини сақлаш борасида амалга оширилаётган ишлар жараёнида “Дори-дармон” акциядорлик компаниясининг фаолияти эътиборга лойиқ.
Йиғилишда “Дори-дармон” акциядорлик компанияси раиси Абдуғани Комилов бугунги кундаги фаолияти ҳақида сўз юритар экан, аҳолини сифатли дори-дармон билан таъминлаш компаниянинг асосий мақсади эканлигини алоҳида таъкилаб ўтди. Унинг берган маълумотига кўра, ҳозирги кунда компания таркибида саккизта акциядорлик жамияти ва ўнта шўъба корхона мутахассислари шу мақсад йўлида фаол иш олиб бормоқда. Кейинги йилларда дори-дармон етказиб бериш ва сақлаш шароитини янада яхшилаш мақсадида жойларда замонавий дорихоналар, омборхоналар, логистика марказлари барпо этилмоқда. Жумладан, Тошкент шаҳрида майдони 6,5 минг квадрат метрлик, халқаро стандартларга тўла мос келадиган фармацевтика омбори, Гулистон шаҳрида логистик марказ қуриб битказилди.
Тадбирда компания тизимида фаолият юритаётган дорихоналарнинг етмиш фоиздан кўпроғи қишлоқ жойларда очилгани алоҳида эътироф этиб ўтилди. Аҳолини сифатли фармацевтика маҳсулотлари билан таъминлашни янада яхшилаш мақсадида 2010 йилдан бошлаб минтақаларда махсус жиҳозланган “ISUZU” русумли изотермик автофургонларда 14 та кўчма дорихона ташкил этилди. Улар томонидан 2013 йилда қиймати бир миллиард 550 миллион сўмдан кўпроқ, жорий йилнинг биринчи чорагида эса қарийб 412 миллион сўмлик дори воситалари ва тиббиёт буюмлари савдоси амалга оширилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббиёт оламиОИВ инфекцияси нима?
ОИВ инфекцияси манбаи – бемор одамлар бўлиб, яширин давр бир неча ойдан 10-15 йилгача давом этиши мумкин. Бу даврда касаллик белгилари намоён бўлмайди ва ОИВ билан зарарланган шахс
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти