Тошкентда стол тенниси бўйича “Соғлом авлод учун” халқаро хайрия фонди кубоги учун ХII республика турнири ташкил этилди.
Ҳар томонлама соғлом ва баркамол авлодни тарбиялашда жисмоний тарбия ва спортнинг ўрни беқиёс. Мамлакатимизда ташкил этилаётган турли мусобақалар ёшлар ўртасида спортни оммалаштириш, соғлом турмуш тарзини кенг тарғиб қилишда муҳим омил бўлмоқда.
“Соғлом авлод учун” халқаро хайрия фонди кубоги анъанавий турнири ҳам ана шу мақсадга хизмат қилмоқда. Бугунги кунда юртимизда стол тенниси билан ўн тўрт мингдан зиёд ўғил-қиз мунтазам шуғулланмоқда. Мазкур мусобақада юртимизнинг барча ҳудудидан ўн икки ёшгача бўлган 56 нафар ўғил-қиз иштирок этди.
– Стол тенниси билан тўрт йилдан буён шуғулланаман, – дейди андижонлик Гулчирой Турғунова. – Вилоятимизда спортнинг ушбу турига қизиқувчи ёшлар жуда кўп. Дарсдан сўнг тенгдошларим билан шаҳримиздаги “Баркамол авлод” болалар марказининг стол тенниси тўгарагига қатнаймиз.
Ўғил болалар ўртасидаги баҳсларда Тошкент вилояти вакили Озод Пардаев олтин, самарқандлик Умид Норқулов кумуш, фарғоналик Миршоҳид Жалолов бронза медални қўлга киритди. Жуфтликлар ўртасида наманганлик Нодирбек Маҳмудов ва Отабек Усмонов ғалаба қозонди.
Қизлар орасида Тошкент вилоятидан Меҳринисо Норқуловага тенг келадиган рақиб топилмади. Наманганлик Сайёра Абдухалилова иккинчи, бухоролик Норжон Ғиёсова учинчи ўринни эгаллади. Жуфтлик баҳсларида Тошкент вилояти вакиллари Меҳринисо Норқулова ва Шаҳрина Абдураҳимованинг қўли устун келди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац
СпортБодибилдинг ва жисмоний спорт турлари бўйича жаҳон чемпионати
Тошкентдаги «Ҳумо Арена» спорт мажмуасида бодибилдинг бўйича ХII жаҳон чемпионати бўлиб ўтмоқда. Мусобақада 150 дан ортиқ делегация вакиллари иштирок этаяпти. – Юртбошимизнинг спор
СпортЧарчоқ билан кураш: қайси озиқ-овқатлар сизни тетиклантиради?
Кўплаб одамлар иш ва шахсий ҳаётдаги мажбуриятлар, етарли уйқунинг йўқлиги ва нотўғри овқатланиш туфайли чарчоқни бошдан кечиради. Бу фақат жисмоний ҳолсизлик билан чекланмайди, ба
СпортБола неча ёшдан спорт билан шуғулланишни бошлагани маъқул?
Фарзандлар соғлом ўсиши учун уларнинг тўғри овқатланиши билан бирга, жисмоний фаоллиги муҳим аҳамиятга эга. Шу боис ота-оналар ўғил-қизлари учун спорт тўгараги танлашда уларнинг ёш