Тошкентда спорт гимнастикаси бўйича ўсмирлар ва қизлар ўртасида Осиё чемпионати якунланди.
Халқаро гимнастика федерацияси кўмагида Осиё гимнастика иттифоқи, Ўзбекистон гимнастика федерацияси, Маданият ва спорт ишлари вазирлиги, Миллий олимпия қўмитаси томонидан ташкил этилган ушбу нуфузли мусобақада Осиё қитъасининг 22 давлатидан 266 нафар спортчи совринли ўринлар ва жорий йил 16-28 август кунлари Хитойнинг Нанкин шаҳрида ўсмирлар ўртасида бўладиган II Олимпия ўйинлари йўлланмалари учун баҳслашди.
Маълумки, биринчи Олимпия ўйинлари 2010 йилнинг 14-26 август кунлари Сингапурда ўтказилган эди. Мазкур мусобақада Ўзбекистон делегацияси аъзолари 3 та кумуш ва 6 та бронза медалига сазовор бўлганди.
Тошкент шаҳрида ўсмирлар ва қизлар ўртасида спорт гимнастикаси бўйича Осиё чемпионатининг юқори савияда ташкил этилгани Халқаро гимнастика федерацияси, Осиё гимнастика иттифоқи вакиллари, хорижлик мутахассислар, мураббий ва спортчилар томонидан эътироф этилди.
Қитъа чемпионатида спортчилар жорий йил 16-28 август кунлари Хитойнинг Нанкин шаҳрида ўсмирлар ўртасида ўтказиладиган II Олимпия ўйинлари йўлланмалари учун кураш олиб борди. Мусобақада ўғил болалар ўнта, қизлар тўққизта олимпия йўлланмаси учун рақобатлашди.
Мусобақанинг ўсмирлар ўртасидаги жамоавий кўпкураш баҳсларида Темур Қодиров, Элёр Исломов, Азиз Саидумаров, Мирабзал Фозилов ва Ҳамид Содиқовдан иборат Ўзбекистон ўсмирлар терма жамоаси 236,5 балл жамғариб, бронза медали билан тақдирланди. Қизлар ўртасидаги жамоавий кўпкураш баҳсларида Турдихон Исломова, Ксения Ким, Вероника Орлова, Линара Сулаймонова, Элвира Юрьевадан таркиб топган терма жамоамиз 154,6 балл тўплаб, учинчи ўринни эгаллади.
Шу тариқа спортчиларимиз II Олимпия ўйинларига иккита йўлланмани қўлга киритди ва чемпионатда ўз олдиларига қўйган вазифани шараф билан бажарди.
Осиё чемпионатининг алоҳида йўналишлари бўйича финал баҳсларида қатнашган иқтидорли гимнастикачимиз Турдихон Исломова 14,075 балл жамғариб, шоҳсупанинг энг юқори поғонасига кўтарилди. Шунингдек, Турдихон Исломова таяниб сакраш баҳсида 14,325 балл билан кумуш, эркин машқ бажаришда 13,75 балл жамғариб, бронза медалини қўлга киритди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СпортБола неча ёшдан спорт билан шуғулланишни бошлагани маъқул?
Фарзандлар соғлом ўсиши учун уларнинг тўғри овқатланиши билан бирга, жисмоний фаоллиги муҳим аҳамиятга эга. Шу боис ота-оналар ўғил-қизлари учун спорт тўгараги танлашда уларнинг ёш
СпортБодибилдинг ва жисмоний спорт турлари бўйича жаҳон чемпионати
Тошкентдаги «Ҳумо Арена» спорт мажмуасида бодибилдинг бўйича ХII жаҳон чемпионати бўлиб ўтмоқда. Мусобақада 150 дан ортиқ делегация вакиллари иштирок этаяпти. – Юртбошимизнинг спор
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац
МаданиятМУКАММАЛЛИК САРИ ЎҚИ
Шайхонтоҳур тумани 10-сонли умумий ўрта таълим мактабида "Учинчи ренессансга китоб ва маьрифат билан" ҳамда "Мукаммаллик сари ўқи" мавзуларида китобхонлик тадбири ўтказилди. Тадбир