Мустақиллигимизнинг дастлабки йиллариданоқ юртимизда Президентимиз раҳнамолигида оналик ва болаликни муҳофаза қилиш давлат сиёсатининг устивор вазифаларидан бири этиб белгиланди.
Миллат генофондини яхшилаш, оилада тиббий маданиятни юксалтириш, аҳолининг турмуш фаровонлигини ҳамда узоқ умр кўриш даражасини ошириш мақсадида бир қатор ишлар амалга оширилди. Хусусан, соғлом авлоднинг дунёга келиши, унинг тарбияси учун қулай шарт-шароитлар яратишга доир чора-тадбирлар ишлаб чиқилиб, амалиётга изчил татбиқ этиб келинмоқда.
Давлатимиз раҳбарининг “2014–2018 йилларда Ўзбекистонда аҳолининг репродуктив саломатлигини янада мустаҳкамлаш, оналар, болалар ва ўсмирлар соғлигини муҳофаза қилиш борасидаги Давлат дастури тўғрисида”ги қарори ёш авлоднинг маънан ва жисмонан камолотини таъминлашда, аҳоли саломатлигини янада мустаҳкамлашда муҳим омил бўлиб хизмат қилмоқда. Жорий йилнинг айнан “Соғлом она ва бола йили” деб номланишининг таг замирида ҳам айнан шу саъй-ҳаракатларнинг қанчалик кенг қулоч ёзганининг гувоҳи бўламиз.
Паркент тумани “Кумушкон” қишлоқ фуқаролар йиғинида тиббий акциянинг ўтказилишида юқорида таъкидланган мақсадлар муштараклигини кўриш мумкин. “Соғлом авлод учун” халқаро хайрия фонди ташаббуси билан ташкил этилган мазкур акцияда фонднинг Тошкент вилояти ҳудудий филиали кўчма тиббий-ижтимоий ёрдам бригадаси шифокорлари аҳолига тиббий хизмат кўрсатди.
Тадбирда Президентимиз раҳнамолигида аҳоли саломатлигини мустаҳкамлаш, оналик ва болаликни муҳофаза қилиш, тиббиёт муассасаларининг моддий-техник базасини мустаҳкамлашга алоҳида эътибор қаратилаётгани таъкидланди.
– Акцияда ёлғиз кексалар ва ногиронлар, кам таъминланган оила аъзолари тиббий текширувига алоҳида эътибор қаратилди, – дейди “Соғлом авлод учун” халқаро хайрия фонди Тошкент вилояти ҳудудий филиали директори Муҳаббат Йўлдошева. – Беморларга зарур ҳолатларда санитария-гигиена воситалари, дори-дармонлар берилмоқда.
Жорий йилнинг ўтган даврида “Соғлом авлод учун” халқаро хайрия фонди вилоят ҳудудий филиали кўчма тиббий-ижтимоий ёрдам бригадаси томонидан 130 дан ортиқ маҳалла фуқаролар йиғинларидаги 200 га яқин оиланинг ижтимоий шароити, улардаги психологик муҳит ва болалар соғлиғи ўрганилган. Бригада шифокорлари 38 та қишлоқ врачлик пункти ва 2 та кўптармоқли марказий поликлиникада бўлиб, аҳолини тиббий кўрикдан ўтказган.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СаломатликОртиқча вазнли инсонлар учун соғлом овқатланишнинг 5 та муҳим қоидаси
1-қоида. Кунда 3 маҳал асосий овқатланиш шарт: – нонушта; – тушлик; – кечки овқат. Асосий таомни имкон борича, қорин очмасдан бир вақтда истеъмол қилиш керак. Шунингдек, асосий овқ
СаломатликЎқувчилар таомномаси қандай бўлиши лозим?
Соғлом фарзанд оила қувончи, ота-онанинг бахти, ҳаёт давомчиси ҳисобланади. Шу боис ҳар бир оилада бола парваришига, унинг соғлом таомланишига алоҳида эътибор қаратилади. Ўғил-қизл
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти
СаломатликЭрталаб нонушта қилишга одатланинг, акс ҳолда…
Баъзилар ишга ёки ўқишга шошилиб, эрталаб тамадди қилишни унутиб қўйса, айримлар нонушта қилишни хоҳламайди. Аммо бу ҳолат мунтазам давом этса, инсон организми учун жиддий оқибатла