Соғлиқ, бойлик, шодлик...

Бир гул бор – яшнаб турар, қуримас, сўлмас,

Бир нур бор – порлаб турар, ҳеч қачон сўнмас.

Эгилар – у, букилар, аммо ҳеч синмас –

Бир куч бор – энг қудратли, асло енгилмакс.

Бу гул – Ҳақиқат,

Бу нур – Ҳақиқат.

Бу куч – Ҳақиқат!

Бир қуш бордир – ҳамиша юксак парвози,

Бир куй бордир – ёқимли доимо сози...

Бир сўз бордир – ўткиру кескир овози,

Бир қўл бордир – энг кучли диллар эъзози.

Бир йўл бор – ойдин, тоза, кетказар ғамин,

Меҳрдек чорлаб турар, янча аламни.

Бир тоғ бор – ҳеч қуламас, суяр одамни,

Бир чўғ бор – иситар бутун оламни!

Бу гул – Иймондир,

Бу нур – Иймондир.

Бу куч – Иймондир!

Адолациз – на тахту, на бахт барқарор,

Гар ноҳалол мол-дунё, давлат ҳам бекор!