“СОҒЛОМ АВЛОД” КУНЛАРИ

Ўзбекистон Жаҳон иқтисодиёти ва дипломатия университети қошидаги Шайхонтоҳур академик лицейида “Соғлом авлод кунлари” мавзусида тадбир бўлиб ўтди.

Ўзбекистон Республикаси Олий Мажлиси депутати Ойша Охунова “Вояга етмаганлар ўртасида назорацизлик ва ҳуқуқбузарликнинг профилактикаси тўғрисида”ги Ўзбекистон Республикаси Қонунини шарҳлаб берди ва ўқувчилар билан вояга етмаганларнинг ҳуқуқлари борасида суҳбатлашди. Шунингдек, учрашувда “Соғлом авлод” газетаси ҳамда таҳририят қошида Олий Мажлис ҳузуридаги Ўзбекистон нодавлат ва нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди кўмагида ташкил этилган “Озод юрт болалари” клуби фаолияти билан яқиндан танишдилар. Лойиҳа раҳбари, Ўзбекистонда хизмат кўрсатган журналист Раъно Зарипова ва газетанинг катта мухбири Муҳаббат Хўжамуродовалар ҳам сўзга чиқишди. Улар “Соғлом авлод” газетасидаги кўплаб саҳифалар, тиббиёт соҳасидаги янгиликлар, спортнинг ҳаётимиздаги тутган ўрни ва истеъдодли болалар, ёшлар ўртасида ўтказилаётган танловлар ҳақида маълумотлар беришди. Тадбирда ўқувчилар ҳам фаол қатнашишди ва ўзларини қизиқтирган барча саволларга жавоб олишди.