Болалик умрнинг энг ширин, мавжли ва бетакрор онлари ҳисобланади. У дамларни ёдга олган ҳар қандай кишининг қалби беихтиёр тўлқинланиб, юраги энтикади. Ўша бетакрор даврга қайтгинг келади, гўё...
Мен 90 ёшга кирган бўлсамда, ҳамон ўша беғубор болалигимни эслаб, қалбим ларзага келади. Ўша пайтлар ҳаётимиз қанчадан-қанча қийинчиликлар, меҳнат ва машаққатлар, оғир ва суронли ташвишлар билан ўтганини, бугунги дориломон замонларга етиш учун ҳаётнинг бешафқат синовларини бошимиздан ўтказганимиз ҳақиқат. У оғир кунларни биздан кейинги авлодлар асло кўрмасинлар.
Агар инсон иродали, Ватани, оиласи, халқига садоқатли, меҳр-оқибатли бўлса, албатта, бир куни яхши кунларга, фаровон ва обод турмушга эришади. Шукрки, мен ана шундай қийинчиликлардан ўтиб шундай дориломон кунларни кўрдим. Буларнинг барчаси, аввало, халқпарвар Юртбошимизнинг мамлакат ободлиги, тинчлиги ва элнинг осойишталиги, келажак авлоднинг баркамол вояга етиши йўлидаги фидойилиги туфайлидир. Келаётган 2014 йил Соғлом бола йили деб эълон қилинди. Қайси давлатда болаларга бизнинг юртимиздаги каби эътибор берилади, имкониятлар яратилади?!
Турмуш ўртоғим Саъдулла Нурхўжаев (Аллоҳ раҳматига олсин) билан 65 йил тотувликда умргузаронлик қилдик. 4 нафар фарзандим, 15 нафар набирам, 35 нафар чевара ва 7 нафар шириндан-шакар эварам бор. Уларнинг камоли, бахт-иқболини, дийдори ва фаровон ҳаётини кўришдан ортиқ бахт бўладими?!
Энг қувонарлиси, мустақилликка эришгач ўз она тилимизга, эркимизга эга бўлдик. Юртбошимиз томонидан инсонийликни, яхшиликни тарғиб этувчи удумларимиз, миллий қадриятларимиз, тарихий обидаларимиз, азиз авлиёлар қадамжолари қайта тикланди. Мамлакатимизда улкан бинолар, баланд иморатлар қад кўтарди.
Маҳаллаларнинг обод бўлганини, кишиларнинг бир тан, бир жон бўлиб ободонлаштириш ва яратувчанликка ҳисса қўшаётгани дилни қувонтиради. Ҳукуматимиз ижтимоий ҳимояга муҳтож, ёлғиз қариялар, боқувчисини йўқотганлар моддий ва маънавий томондан қўллаб-қувватлаётганини эшитиб, кўриб шундай муқаддас Ватанимиз борлигига, осмонимиз тинч, турмушимиз фаровон, дастурхонимиз тўкинлигига шукроналар келтираман.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш