Бола ҳаётининг ҳар бир даври ўсиш ва ривожланиш жиҳатидан ўзига хос хусусиятларга эга. Бунда оилада ота – онанинг, мактабгача таълим муассасаси ва мактабларда психолог, тарбиячи-педагогларнинг роли катта.
– Фарзанд тарбияси қийин ва мураккаб жараён. Бола билан ишлаш учун тарбиячи-педагогдан катта масъулият талаб этилади, – дейди тажрибали педагог Феруза Қодирова.
Бугунги кунда 280 нафар боланинг соғлом вояга етиши йўлида самарали меҳнат қилиб келаётган Тошкент вилояти, Янгийўл туманидаги “Табассум” номли 18-сон мактабгача таълим муассасасининг 14 нафар педагог-тарбиячилардан иборат жамоаси айни дамда ёзги соғломлаштириш ишлари билан банд. 9 гуруҳда турли ёшдаги болалар тарбияланаётган ушбу масканда ширинтойларнинг мириқиб дам олиши, машғулот ва тўгаракларга жалб этилиши учун барча шароит мавжуд.
Тарбия масканида ширинтойларнинг ақлий фаолиятини ривожлантириш, маънавий дунёсини шакллантириш ва саломатлигини мустаҳкамлаш мақсадида фаолият кўрсатаётган рақс, гимнастика, моҳир қўллар, “Зумрадойлар давраси”, “Инглиз тилини ўрганамиз” каби тўгараклар “Болажон” таянч дастури асосида олиб борилмоқда. Бундай ишларни самарали йўлга қўйилишида тарбия масканининг тажрибали раҳбари ҳамда тарбиячи-педагоглардан Марина Тарасенко, Татьяна Воҳидова, Гулзара Мораева, Назокат Холматова, Раиля Йўлдошеваларнинг хизматлари беқиёс.
Ушбу муассасада “Соғлом она ва бола йили” давлат дастури ва “Соғлом болажон” услубий қўлланмаси асосида методик тавсия ва жисмоний тарбия тадбирлари ҳам ташкил этилмоқда. Яъни, болаларнинг кўпроқ очиқ ҳавода бўлишларини таъминлаш, жисмоний ўйин ва машғулотлар билан шуғулланишлари учун барча шароит яратилган. Жумладан, катта гуруҳлар ўртасида “Қувноқ ўйинлар”, ўрта гуруҳларда “Ғолиб бўлишим керак”мусобақалари мунтазам равишда ўтказилмоқда. Шунингдек, мазкур муассаса тарбияланувчилари туман миқёсида бўлиб ўтган “Инглиз тилини ўрганамиз” фестивалида фаол иштирок этди. Ана шундай шароитда камол топаётган болажонлар соғлом ва интеллектуал жиҳатдан етук бўлиб камол топаётир.
Она Ватанимиз келажаги бўлмиш фарзандларни соғлом ва баркамол этиб тарбиялашда фидойи педагог-тарбиячиларнинг ўрни беқиёс. Ана шу йўлда астойдил меҳнат қилаётган Янгийўл туманидаги “Табассум” номли 18-сон мактабгача таълим муассасаси жамоаси ҳозирги кунда соғломлаштириш ишлари билан бирга, кузги мавсумга пухта ҳозирлик кўрмоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятХОТИН-ҚИЗЛАР БИЛАН ИШЛАШ ЁХУД ИСТИҚБОЛ ОДИМЛАРИ
Оила ва гендер илмий тадқиқот институтининг истиқболдаги фаолияти тўғрисида тадбир бўлиб ўтди. Ўзбекистон Республикаси Президентининг 2023 йил 21 декабрдаги “Оила ва хотин қизлар қ
ЖамиятCалоҳиятли кадрлар тайёрлаш – давр талаби
Таълим масканига кирарканман бир гуруҳ оқ халатли ўқувчи қизлар салом беришиб, раҳбарият биноси томонга бошлашди: – Юринг, сизга йўлни кўрсатиб юборамиз. Биз ҳам дарсга киряпмиз.
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту