Сўнгги вақтларда “сельфи” сўзини эшитмаган одам бўлмаса керак. Қўл телефонидан туширилган сельфилар ижтимоий тармоқларда ҳам жуда оммалашиб кетди. Ҳаттоки, машҳур инсонлар ҳам турли сельфилари билан тез-тез кўзга ташланишмоқда.
Халқаро шифокорлар гуруҳи айнан қайси ҳолатларда сельфига тушишга бўлган иштиёқ инсон руҳиятида салбий ўзгаришларга олиб келишини маълум қилишди.
Тадқиқотчилар сельфиманиянинг руҳий хасталикка олиб борувчи уч босқичини белгилаб чиқишди. Уларнинг фикрича биринчи босқичда инсон ҳар куни уч мартагача сельфига тушади. Аммо тушган расмларини ҳар доим ҳам интернетга жойлаштириш ҳақида ўйламайди. Иккинчи босқичда ҳам учтагача сельфи олади. Бироқ, уларни ижтимоий тармоқларга албатта жойлаштириш лозим, деб ҳисоблайди.
“Сельфибоз” учинчи босқичга қадар чиқар экан, унинг руҳиятида жиддий салбий ўзгаришлар кузатила бошлайди. Бу ҳолат у кунига олтитадан зиёд ўз сельфи суратларини интернетга жойлаштиришни бошлаганда яққол кўзга ташланади. У ўзида суратларига билдирилган мулоҳазалар ва “лайк”лар сонига кучли боғлиқликни ҳис эта бошлайди.
“Бундай ҳолатда одамлар эҳтиёткорлик ҳиссини бутунлай йўқотади ва ноодатий суратга олиш ва интернетнинг бошқа фойдаланувчилари билдирган реакция орқали ўзига бўлган баҳони ошириш учун ҳеч нарсадан тап тортмайди”, дея изоҳлайди экспертлар.
Сельфи тушишга боғланиб қолиш кейинчалик невроз ва ҳаттоки янада чуқурроқ патологик ҳолатлар – психозга ҳам олиб келиши мумкин. Бошқалар томонидан беэътибор қолдирилган сельфибоз ўзида ноқисликни ҳис этиб, оқибатда жиззакилик, норозилик ёки аксинча, руҳий тушкунликка (депрессия) тушиб қолиши мумкин. Бундай одамларга албатта психологик ёрдам кўрсатилиши лозим. Чунки, улар ўзини суратга олиш ва уни интернетга жойлаштириш истаги чегарадан аллақачон чиқиб кетганини ва бу ҳолат кейинчалик оғир оқибатларни келтириб чиқараши мумкинлигини англай олмасликлари эҳтимоли юқори.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ТабобатКомпьютер қаршисида узоқ вақт ишловчилар кўз касалликларидан қандай ҳимояланиши керак?
Бугун аксарият одамлар асосий вақтини компьютер қаршисида ўтказади. Айниқса, бу қурилма дизайнер, дастурчи, копирайтер, маркетолог, оператор каби кўплаб замонавий касб эгалари ва о
ТабобатҚандай ҳолатда ўт-тош касаллигини операциясиз даволаш мумкин?
Ўт пуфаги – овқат ҳазм қилиш тизимининг муҳим аъзоларидан бири. Шу сабабли унда кузатиладиган муаммолар организм фаолиятига салбий таъсир этади. Айниқса, ўт пуфагида ҳосил бўладига
ТабобатТиббиёт соҳасида халқаро илмий-амалий конференция
Мамлакатимизда вирусли гепатит касаллигини бартараф этиш масаласида жаҳон тажрибасини қўллаш бугунги кунда муҳим ўрин тутади. Айниқса, долзарб масалалар – гепатоцеллюляр карсиноман
ТабобатБуқоқ наслдан наслга ўтадими?
Буқоқ касаллиги насл суради. Жумладан, буқоқнинг тугунли, аутоиммун тиреоидит ва ёйма заҳар тури ота-онадан болага ҳам ўтиши мумкин. Бироқ саломатликка эътиборли бўлинса, шифокор к