Қовоқли спагетти

Мутахассисларнинг фикрича мунтазам равишда қовоқ истеъмол қилиш, кўплаб касалликларга шифо бўлар экан.

Айниқса, қовоқ меъда-ичак, асаб ва уйқусизлик каби хасталикларга даъводир. Микроэлементларга бой бўлгани учун у организмнинг иммунитетини сақлаб қолишга ва энергия билан бойитишга имкон яратади. Шу боис, бу гал сизларни қовоқли таомлардан бирининг тайёрланиш усули билан таништирамиз.

Керакли маҳсулотлар: спагетти макарони, товуқ гўшти, 1 дона пиёз, 200 гр. қовоқ, 2 бўлак саримсоқпиёз, занжабил, 150 мл. сут, соя соуси, пишлоқ, зиравор ва кўкатлар.

Тайёрланиши: товуқ гўшти сомонча, қовоқ ва пиёз эса тўртбурчак шаклда тўғраб олинади. Қизиган ёғга тўғралган гўшт солиниб, қизаргунча қовурилади. Кетидан қовоқ, пиёз, саримсоқпиёз, туз ва мурч солиб, қовуриш давом эттирилади. Сўнг сут ва соя соусини солиб, 10-15 дақиқага паст оловда қайнатилади.