Бугунги кунда қўлларнинг титраши нафақат қариялар, балки ёшлар орасида ҳам учрамоқда. Бундай ҳолатга турли касалликлар сабабчи бўлиши мумкин. Улардан бири – эссенциал тремор. У наслий ва орттирилган бўлиши мумкин.
Паркинсонизмнинг қалтироқли турида тинч ҳолатда ҳам тремор кузатилади. Нейроген треморда эса фақат асабийлашганда тремор кучайиб кетиши мумкин. Шунингдек, қарилик билан боғлиқ тремор мавжуд. Бунда ҳам титроқ бўлади, бундан ташқари, қалқонсимон без касалликларида ҳам қалтираш кузатилади. Умуман, неврологияда турли касалликлар борки, уларнинг битта симптоми титроқ бўлиши мумкин.
Титроқни бартараф қилиш учун аввало, унинг сабабини аниқлаш керак. Албатта, титроққа умумий даво қилинмайди. Масалан, паркинсон касаллиги билан боғлиқ треморда бошқача, эссенциал треморда бошқача даволаш чоралари кўрилади ёки қалқонсимон без билан боғлиқ титроқ бўлса, қалқонсимон без касаллигининг ўзини даволашга тўғри келади. Умумий даво чораси йўқ. Биринчи навбатда, невропатологга мурожаат қилиш керак. Шифокор керакли текширувлардан сўнг ташхис қўйиб, керакли муолажаларни буюради.
Қўллардаги титроқ ва бутун танадаги титроқ билан бизга 45 ёшдан 60 ёшгача бўлган беморлар мурожаат қилишади. Шуни ҳам айтиш жоизки, ҳозир бу муаммолар билан кичик ёшдагилар ҳам мурожаат қилишмоқда. Бу эса ачинарли.
Титроқни даволашда инсоннинг руҳий ҳолатини яхшилаш ҳам муҳим. Ҳамма нарсанинг фақат яхши тарафини кўриш, арзимаган нарсага жаҳл қилмаслик керак. Психологик машқлар ҳам бунда катта ёрдам беради. Айниқса, ўзини ўзи бошқариш ва назорат қилишга ўргатувчи машғулотларнинг хотиржамликни сақлашда катта фойдаси бор.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош