Самарқанд эшкак эшиш каналида спортнинг академик эшкак эшиш тури бўйича ёшлар ўртасида ўн тўққизинчи Осиё чемпионати бўлиб ўтмоқда.
Яқинда байдарка ва каноэда эшкак эшиш бўйича ўн бешинчи Осиё чемпионатига мезбонлик қилган мазкур спорт мажмуасидаги бу галги беллашувларда 17 мамлакатдан бир юз элликка яқин ёш спортчилар ғолиблик учун баҳслашмоқда.
Тантанали очилиш маросимида Президентимиз Ислом Каримов раҳнамолигида мамлакатимизда спортнинг оммавийлигини ошириш ва ривожлантиришга алоҳида эътибор қаратилаётгани таъкидланди. Хусусан, сув спорти турларини оммалаштириш, спортчилар учун муносиб шарт-шароит яратиш мақсадида давлатимиз томонидан кенг кўламли ишлар амалга оширилмоқда. Айни пайтда юртимиздаги ўн иккита ихтисослаштирилган болалар ва ўсмирлар олимпия захиралари спорт мактаби ҳамда ўндан зиёд олимпия захиралари коллежида эшкак эшиш бўйича иқтидорли спортчилар тайёрланмоқда. Табиий шарт-шароити ва имкониятлари билан дунёдаги саноқли спорт мажмуалари қаторида эътироф этиладиган Самарқанд эшкак эшиш канали 2009-2012 йилларда тўла реконструкция қилинди. Бу ерда нуфузли турнирларни ўтказиш учун халқаро стандартларга мос қулайликлар яратилди. Ана шундай замонавий спорт иншоотлари, спортчиларимизнинг Осиё ва жаҳон биринчиликларидаги муваффақиятли иштироки туфайли жорий йилнинг ўзида Самарқанд эшкак эшиш каналида иккинчи бор қитъа биринчилиги ташкил этилмоқда.
Мусобақада йигитлар ва қизлар 2000 метр масофада яккалик, жуфтлик ва тўрт кишилик қайиқларда ўз маҳоратларини синовдан ўтказмоқда. Чемпионатнинг дастлабки кунларида иштирокчилар саралаш ва ярим финал баҳсларини ўтказди. Уларнинг иштирокини Осиёнинг 17 мамлакатидан келган халқаро тоифадаги ҳакамлар кузатиб бормоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятТошкентда Ўзбекистон ёшлари ва талабалари форуми старт олди
Ботаника боғида Ўзбекистон ёшлари ва талабалари форумининг очилиши бўлиб ўтмоқда. "Учинчи ренессанс бунёдкорлари" шиори остида ўтказилаётган тадбирда бир қатор учрашувлар, танлов в
СпортЧарчоқ билан кураш: қайси озиқ-овқатлар сизни тетиклантиради?
Кўплаб одамлар иш ва шахсий ҳаётдаги мажбуриятлар, етарли уйқунинг йўқлиги ва нотўғри овқатланиш туфайли чарчоқни бошдан кечиради. Бу фақат жисмоний ҳолсизлик билан чекланмайди, ба
СпортБола неча ёшдан спорт билан шуғулланишни бошлагани маъқул?
Фарзандлар соғлом ўсиши учун уларнинг тўғри овқатланиши билан бирга, жисмоний фаоллиги муҳим аҳамиятга эга. Шу боис ота-оналар ўғил-қизлари учун спорт тўгараги танлашда уларнинг ёш
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац