Мамлакатимизнинг турли жойларида ноқулай экологик муҳит сабабли айрим хасталикларнинг кўпайиши кузатилмоқда. Шулардан бири қандли диабет касаллигидир. Ҳаммамиз биламизки, бу дардни келтириб чиқарадиган асосий омиллардан бири меъда ости бези ишлаб чиқарадиган инсулин гормонининг етишмовчилигидир.
Бу касалликнинг олдини олиш ҳамда уни даволаш учун беморлар, аввало, турли ширинликлар, шунингдек, таркибида қанд моддаси ва крахмал мавжуд бўлган нон, гуруч, ёрма, дуккакли ҳамда озиқ-овқат маҳсулотларини истеъмол қилмасликлари лозим. Улар кўпроқ парҳезбоп ёғсиз гўшт, ўсимлик ёғида димлаб пиширилган сабзавотлар ҳамда янги узилган ва ширин бўлмаган меваларни ейиши зарур. Аммо банан, каштан, гилос, олхўри, узумни истеъмол қилмасликлари керак. Чунки уларнинг таркибида қанд ва крахмал моддаси кўпроқ бўлади.
Хаста одам лимон, ёғсиз қатиқ, творог, сут маҳсулотларини кўпроқ истеъмол этиши керак. Бу маҳсулотлар организмдаги ёғларни тезроқ ҳазм бўлиши ва парчаланишига ёрдам беради.
Диабет касаллигига дучор бўлган беморларни даволашда шифобахш гиёҳлардан кенгроқ фойдаланишга эътибор бериш лозим. Ушбу дарднинг пайдо бўлишида ҳамда уни самарали даволашда шифобахш гиёҳлардан тайёрланаётган дори-дармонларга бўлган талаб ошиб бормоқда. Сабаби инсон организми сунъий йўллар билан тайёрланган дориларга нисбатан табиий гиёҳлардан олинган дори-дармонларни яхши қабул қилади.
Қандли диабетни даволашда қўлланиладиган ўсимликларга баргизуб барги, анор меваси, бўймадороннинг ер устки қисми, газандаўтнинг танаси, женьшень илдизи, кийикўт барги ва танаси, исмалоқ барги, лимон, мойчечак гули, отқулоқ барги, унинг шарбати, пиёз барги, равоч новдалари, четан меваси, чаканда барги ва меваси, шарбати ҳамда шотут барги, шарбати, наъматак меваси, сачратқи илдизи, сабзининг илдиз меваси, шарбати, маккажўхори попуги, беҳи барги, новдаси, қалампир ялпиз барги, қизил лавлаги барги, унинг илдиз меваси ҳамда шарбати, шунингдек, қоқи илдизи ва ҳоказолар диабет давосида шифобахш ҳисобланади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларҚандли диабетдан сақланишнинг 8 усули
Бу касалликка чалинганлар ҳақида эшитсак, дарҳол соғлигимиз ҳақида ўйлаб қоламиз. Зеро, қандли диабетнинг ўзидан ҳам асорати хавфлироқ саналади. Маълумки, ҳар қандай хасталикни дав
Тиббий сабоқларЎз саломатлигингизни ва келажагимизни асранг!
Инсон саломатлиги ҳар недан қиммат. Уни асраш ҳар биримизнинг энг муҳим вазифамиздир. Унутмаслик керакки, танага юқумли ёки юқумсиз касаллик зарар ёки шикаст етказса, бу саломатлик
Тиббий сабоқларНафас қисиши: унинг қандай сабаблари бор?
Нафас олиш – ҳаётни таъминловчи муҳим жараён. Аммо баъзан инсонларда нафас қисиши билан боғлиқ турли муаммолар юзага келади. Нафас қисишини келтириб чиқарувчи бир қанча сабаблар бо
СаломатликОртиқча вазнли инсонлар учун соғлом овқатланишнинг 5 та муҳим қоидаси
1-қоида. Кунда 3 маҳал асосий овқатланиш шарт: – нонушта; – тушлик; – кечки овқат. Асосий таомни имкон борича, қорин очмасдан бир вақтда истеъмол қилиш керак. Шунингдек, асосий овқ