Куни кеча Ўзбекистон Миллий матбуот марказида Ўзбекистон Республикаси Соғлиқни сақлаш вазирлиги томонидан “Ўзбекистонда педиатрия соҳасида эришилаётган ютуқлар ва истиқболдаги вазифалар” мавзуидаги матбуот анжумани ўтказилди.
Анжуманда мамлакатимизда ҳомиладор аёлларни инсон ҳаёти ва саломатлиги учун зарур бўлган микроэлементларга бой поливитаминлар билан таъминлаш амалиёти йилдан-йилга такомиллашиб бораётгани ва истиқлол йилларида педиатрия соҳасида амалга оширилаётган кўплаб лойиҳалар ҳақида сўз юритилди. Жорий йилда ҳам бўлажак оналарга поливитаминлар комплекси етказиб берилмоқда. Мутахассислар ўтказган мониторинглардан маълум бўлишича, ушбу амалиёт қўлланилиши натижасида бўлажак оналар ва улардан дунёга келаётган фарзандларнинг саломатлик кўрсаткичи янада яхшиланмоқда. Натижада туғруқ жараёни ва ундан кейинги даврларда юзага келиши мумкин бўлган асоратлар ва вазни кам болалар туғилишининг олди олинаётир.
Юртимизнинг барча ҳудудларида ихтисослаштирилган тиббиёт масканлари фаолият кўрсатмоқда. Уларнинг аввалги касалхоналардан фарқи шундаки, бундай марказларда ирсий хасталиклар билан туғилиш, ногиронлик ҳамда юқумли касалликларнинг олдини олиш, оналар ва болаларга юксак сифатли тиббий хизмат кўрсатиш имконияти мавжуд.
Шуни ҳам таъкидлаш жоизки, ҳозирги кунда болаларни ўн битта хавфли касалликка қарши режали эмлаш янада изчиллик билан давом эттирмоқда. Эндиликда пневмококк, папиллома вируси каби хавфли инфекцияларга қарши икки хил янги вакцина билан босқичма-босқич эмлаш жорий қилиниши мўлжалланмоқда. Бу келажакда юқумли ва онкологик касалликларнинг олдини олишда муҳим ўрин тутади. Болалар орасида юқумли касалликларнинг олдини олиш мақсадида миллий эмлаш календарига яна бир вакцина-ротавирус вакцинаси қўшилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти
СаломатликЎқувчилар таомномаси қандай бўлиши лозим?
Соғлом фарзанд оила қувончи, ота-онанинг бахти, ҳаёт давомчиси ҳисобланади. Шу боис ҳар бир оилада бола парваришига, унинг соғлом таомланишига алоҳида эътибор қаратилади. Ўғил-қизл
СаломатликОртиқча вазнли инсонлар учун соғлом овқатланишнинг 5 та муҳим қоидаси
1-қоида. Кунда 3 маҳал асосий овқатланиш шарт: – нонушта; – тушлик; – кечки овқат. Асосий таомни имкон борича, қорин очмасдан бир вақтда истеъмол қилиш керак. Шунингдек, асосий овқ
СаломатликЭрталаб нонушта қилишга одатланинг, акс ҳолда…
Баъзилар ишга ёки ўқишга шошилиб, эрталаб тамадди қилишни унутиб қўйса, айримлар нонушта қилишни хоҳламайди. Аммо бу ҳолат мунтазам давом этса, инсон организми учун жиддий оқибатла