“Соғлом она ва бола йили” давлат дастурида белгиланган чора-тадбирлар шифокорлар олдига янада масъулиятли вазифаларни қўйди.
Андижон вилоят перинатал марказида ҳам йил бошидан буён ушбу йўналишда самарали ишлар амалга оширилмоқда. Бу ерда она қорнидаги ҳомиланинг 22 ҳафталигидан бошлаб, туғилгандан кейинги 6 кунлик даври тиббий муолажалари, она ва бола соғлиғи назорат остига олинади. Шифохонада асосан муддатидан олдин туғилган чақалоқлар, турли бемор ҳомиладор аёллар даволанади.
210 ўринли марказда 5 та бўлим фаолияти йўлга қўйилган. Ҳар бирида малакали шифокорлар энг замонавий тиббиёт жиҳозлари ёрдамида оналар ва болалар саломатлигини назорат қилиб келмоқда. Яқинда чақалоқлар бўлимига яна бир янги ускуна келтирилди. Юқори нафас йўлларидаги доимий мусбат босимни ҳосил қилиш ва ушлаб туришга мўлжалланган ушбу тиббий жиҳоз чала туғилган чақалоқларни даволашда муҳим омил бўлиб хизмат қилмоқда.
– Шифохонамизнинг жонкуяр ходимлари вилоятимизнинг энг чекка қишлоқларида ҳам бўлиб, она ва бола саломатлигини назорат қилиб борадилар, – дейди аёллар касалликлари бўлими мудири, тиббиёт фанлари номзоди Дилдорахон Насирдинова. – Айниқса, ҳомиладор аёлларда учрайдиган турли хасталикларнинг олдини олиш, тиббий маданиятни ошириш, репродуктив саломатлик ҳақидаги билимларни оширишга алоҳида эътибор қаратяпмиз.
Она соғлом бўлсагина, туғилажак фарзанд саломат дунёга келади. Бунинг учун аёллар доимо шифокор назоратидан ўтиб борса, турли юқумли касалликлар, яллиғланиш, хатарли ўсмаларнинг олдини олган бўлади. Бунинг учун перинатал марказда барча имкониятлар муҳайё.
Бугунги кунда мамлакатимиз болаларининг 92 фоизи ривожланиш кўрсаткичлари бўйича Жаҳон соғлиқни сақлаш ташкилоти стандартларига тўла мос келади. Республикамизда амалга оширилаётган оналар ҳамда болалар саломатлигини муҳофаза қилиш миллий модели Минг йиллик ривожланиш мақсадларига эришишнинг самарали стратегияларидан бири сифатида дунёда ўз эътирофини топаётганлиги ҳам бежиз эмас.
Тиббиёт соҳасини тубдан ислоҳ қилишдек улкан йўналиш мана шундай кўламларга эга эканини, жаҳонда ўз қадамини тобора дадил ташлаётган Ўзбекистон турли соҳалар билан бир қаторда, буларни ҳам изчил амалга ошира олганини фахр билан айтиш даркор.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларXXI асрнинг янги эпидемияси: телефонга қарамлик болаларнинг саломатлигига қандай таъсир кўрсатади?
Бугун гаджетлар ҳаётимизнинг ажралмас қисми, турли вазиятларда «ёрдамчи»мизга айланган. Керакли маҳсулотни харид қилиш, бирон инсон билан тез боғланиш, зарур маълумот олиш ёки юбор
Тиббий сабоқларБолага уй шароитида муолажа қилишда ота-оналар қандай хатоларга йўл қўяди?
Совуқ ва ёғингарчилик – ўткир респиратор вирусли инфекциялар авж олиши учун қулай муҳит. Ана шу даврда шамоллаш ва грипп сингари мавсумий касалликлар болалар ўртасида кенг тарқалад
Тиббий сабоқларБолалар церебрал фалажи – умрбод даволанишни талаб қиладими?
Таҳлилларга кўра, ҳозир дунё бўйича болалар церебрал фалажидан азият чекаётган 17 миллион нафар бемор рўйхатга олинган. Аммо ушбу касаллик кўпинча кеч босқичда аниқланишини инобат
Тиббий сабоқларЎз саломатлигингизни ва келажагимизни асранг!
Инсон саломатлиги ҳар недан қиммат. Уни асраш ҳар биримизнинг энг муҳим вазифамиздир. Унутмаслик керакки, танага юқумли ёки юқумсиз касаллик зарар ёки шикаст етказса, бу саломатлик