Олам остонаси

Чайқалиб ётибди нурли бир чаман,

Ой билан офтобнинг буюк ватани.

Тонг каби жилмайиб бахти очилган

Майсага кўмилган нурли бадани.

Осмон посбонидир бунда бургутлар,

Чумчуқ чуғуридан тешилади тонг.

Бу ўлка кўксида ёнар булутлар,

Чинор шохларига қўнганида шом.

Не-не дарёлар бор, югуриб-элиб,

Уммонда қоларлар бир умр яхлаб.

Бу чаман бағрига дарёлар келиб

Заминга сингарлар, ғўзадай шохлаб.

Кўз ёшдек тиниқдир бу элда осмон

Шафтоли шохлари қайрилган онда.

Нақш олма юзига югурганда қон,

Офтоб ҳам осилиб, толар армонда.

Бу элнинг қадимий ҳар қўшиғида

Бежиз олтин дея аталмас тупроқ.

Симёғочга қўнган қуш тумшуғида