Бразилия яшил майдонларида футбол бўйича ўтказилаётган ХХ жаҳон чемпионати ўзининг шиддатли баҳслари, кутилмаган натижалари билан мухлислар қизиқишини оширмоқда. Бутун дунё футбол ишқибозларининг эътибори қаратилган майдонларда футбол афсунгарлари барчага завқ улашишмоқда.
Мусобақанинг гуруҳ баҳслари ҳам ҳал қилувчи паллага кириб улгурди. Эътиборли жиҳати амалдаги жаҳон чемпиони Испания терма жамоаси жаҳон чемпионатини гуруҳ босқичидаёқ якунлашга мажбур бўлди. Голландиядан 5-1 ҳисобида мағлубиятга учраган испанлар шу билан ўзларига кела олишмади. Кейинги ўйинда Чили термаси ҳам 2-0 ҳисобида испанлардан устун келиб чемпионларнинг муддатидан олдин уйга қайтишларига сабабчи бўлди.
Энг кутилмаган ҳолат эса бу сафарги жаҳон чемпионатида учта жаҳон чемпионлари гуруҳ босқичидаёқ мусобақани якунлашгани бўлди. Булар Испания, Италия ва Англиядир.
Жаҳон чемпионати кашфиёти сифатида эса Коста-Рика терма жамоасини бемалол айтишимиз мумкин. Зеро “ўлим гуруҳи” деб аталаётган гуруҳдан Италия, Уругвай ва Англия жамоалари ўртасида биринчи ўрин билан гуруҳдан чиққан Коста-Рика буёғига ҳам рақибларга анчагина ташвиш туғдириши табиий.
Бундан ташқари Португалия ҳам кейинги босқичга чиқиш масаласини ўзи учун ижобий ҳал қила олмади.
Бу галги мусобақада Америка қитъаси вакиллари анчайин муваффақиятли иштирок этиб келишмоқда. Ўйинлардаги шиддат ва гўзаллик ўйиндан ўйинга ортиб бормоқда.
Ҳозиргача ўтказилган сўровномаларга кўра ўзбекистонлик ФИФА рефериси Равшан Эрматов жаҳон чемпионатининг энг ишончли ҳаками бўлиб турибди.
Швейцария ва Эквадор ҳамда Мексика ва Хорватия жамоалари ўртасидаги баҳсларни бошқарган Эрматов учинчи турнинг ўзида яна бир баҳс Германия ва АҚШ жамоалари ўртасида ўтадиган ўйинга ҳам ҳакам сифатида тайинланди. Бу эса юртдошимизга билдирилаётган ишончдан дарак беради.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Иқтисод«Nobel Pharmsanoat» компаниясида нима гаплар?
Фармацевтика тармоғини ривожлантириш Агентлиги ташаббуси билан «Nobel Pharmsanoat» компаниясига пресс-тур ташкил этилди. Унда журналистлар ишлаб чиқариш, дори-дармонлар тайёрлаш жа
СпортЧарчоқ билан кураш: қайси озиқ-овқатлар сизни тетиклантиради?
Кўплаб одамлар иш ва шахсий ҳаётдаги мажбуриятлар, етарли уйқунинг йўқлиги ва нотўғри овқатланиш туфайли чарчоқни бошдан кечиради. Бу фақат жисмоний ҳолсизлик билан чекланмайди, ба
СпортБола неча ёшдан спорт билан шуғулланишни бошлагани маъқул?
Фарзандлар соғлом ўсиши учун уларнинг тўғри овқатланиши билан бирга, жисмоний фаоллиги муҳим аҳамиятга эга. Шу боис ота-оналар ўғил-қизлари учун спорт тўгараги танлашда уларнинг ёш
СпортЮртимизда халқаро бадиий гимнастика турнири ўтказилди
Пойтахтимиздаги Гимнастика федерациясида бадиий гимнастика бўйича халқаро турнир бўлиб ўтди. Спортни ривожлантириш вазирлиги, Миллий олимпия қўмитаси, Ўзбекистон гимнастика федерац