Мироқининг нафис ниҳоллари

Президентимиз ташаббуси билан давлатимиз томонидан фан, та'лим, сан'ат ва спорт йўналишида ўз тенгқурларига ибрат бўлаётган иқтидорли ёшларни қўллаб-қувватлашга, уларнинг орзу-интилишларини рўёбга чиқаришлари учун кенг имкониятлар яратилмоқда. Мазкур ислоҳотларнинг натижаси ўлароқ, юртимизнинг шаҳару қишлоқларида болалар ва ўсмирлар спорт мактаблари қурилиб, фойдаланишга топширилмоқда.

Бугунги кунда Қашқадарё вилояти Шаҳрисабз туманидаги Мироқи шаҳарчасида малакали мураббий, "Халқ та'лими а'лочиси" кўкрак нишони соҳиб Барнохон Раҳимова қўл остида 30 нафарга яқин қизлар спортнинг нафис тури – бадиий гимнастика билан мунтазам шуғулланиб келмоқда. Э'тиборлиси, улар туман, вилоят ва республика чемпионатларида мунтазам иштирок этиб, фахрли ўринларни қўлга киритмоқда. Яқинда вилоятда Ўзбекистон Республикаси мустақиллигининг йигирма икки йиллигига бағишлаб "Қадр-қимматим, таянчим ва ифтихоримсан, мустақил Ўзбекистон!" шиори остида ўтказилган бадиий гимнастика мусобақасида мироқилик қизлар – Ширин Ниёзова, Фотима Аҳметова, Маржона Нормўминова, Мадина Ҳақназаровалар муносиб иштирок этиб, вилоят ғолиблигини қўлга киритдилар. Тадбир якунига кўра, Мироқи ҳамда Қарши Олимпия заҳиралари жамоаси умумжамоа ҳисобида 1-ўринни қўлга киритди.

– Кейинги йилларда юртимиз қизлари орасида бадиий гимнастика спорт тури жадаллик билан оммалашиб бормоқда. Натижада, ёшларимиз орасидан Уляна Трофимова, Жамила Раҳматова, Равиля Фахрутдинова каби исте'додли спортчилар етишиб чиқмоқда, – дейди Шаҳрисабз туманидаги 2-Давлат ихтисослашган мактаб-интернати мураббийси Барнохон Раҳимова.