“Соғлом авлод” газетасининг жорий йил 3-сонида чоп этилган “Тарбиянинг икки палласи” сарлавҳали мақолани қизиқиш билан ўқиб чиқдим. Педагог сифатида сизга қуйидаги мулоҳазаларимни билдиришни лозим деб топдим.
Мақолада таъкидланганидек, соғлом муҳит тарбиянинг боши ҳисобланади. Қатор йиллардан бери Олмазор туманидаги 165-умумтаълим мактабида бошланғич синф ўқувчиларига таълим-тарбия бериб келмоқдаман. Ўқувчиларим фарзандларимдек бўлиб қолган. Уларнинг келажаги мени педагог сифатида ўйлантиради, албатта. Маънавиятли ва соғлом муҳит ҳамда ўзаро ҳурмат ҳукм сурган оилада маънан ва жисмонан соғлом фарзандлар вояга етади.
Болаларнинг кўпроқ вақти мактабда ўтганлиги боис уларнинг тарбиясига ўқитувчиларнинг ҳам катта таъсири бўлади. Бошланғич синф ўқувчиларига дарс берганим сабабли уларнинг руҳиятига қараб муомала қилишга ҳаракат қиламан. Дарс бошида ўқувчиларнинг диққатини бир жойга жамлаш учун бадантарбия билан шуғуллантирамиз. Кейин дарс бошлаймиз. Ўқитувчида ўз ишига нисбатан масъулият ҳисси, сабр ҳамда актёрлик қобилияти бўлиши муваффақият калити ҳисобланади. Аввало, оиласидаги ташвишларини уйи-да қолдириб, мактаб томон йўл олган ўқитувчигина болаларга тўлақонли таълим-тарбия бера олади. Бу бизнинг касбимиздаги шиоримиз.
Болани ёшлигидан бўш вақтини унумли сарфлашга ўргатиш керак. Тарбия жараёнида ҳар бир нарсада меъёр бўлгани яхши, деб ўйлайман. Зеро, ортиқча эркалатиш талтайишга сабаб бўлса, қаттиққўлликнинг меъёридан ортиши боланинг одамови бўлиб қолишига олиб келиши мумкин.
Оиламизда байрам кунлари болаларга қизиқарли ва мазмунли китоблар сов-ға қилиш одат тусига кирган. Бу ҳам маънавий-маърифий тарбиядир. Оиламизда турмуш ўртоғим билан фарзандларимизга мақолада қайд этилган иккинчи тарбия услубида тарбия берганмиз ва бугунги кунда унинг ширин меваларидан баҳраманд бўлмоқдамиз.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш