Бундан икки йил аввал янгидан қурилиб фойдаланишга топширилган ва айни пайтда 200 нафардан ортиқ бола тарбияланаётган Тошкент вилояти, Қибрай туманидаги 10-мактабгача таълим муассасасида барча шароит яратилган.
Ушбу даргоҳда фаолият бошлаган қисқа муддатли гуруҳларда 40 нафардан ортиқ тарбияланувчи кунига 3-4 соатлик машғулотларда иштирок этмоқда.
Бундай гуруҳларда атроф-муҳит билан танишиш, расм чизиш, жисмоний чиниқиш, турли ўйинчоқлар ясаш, нутқ ўстириш, математика билан шуғулланиш каби машғулотлар қатъий жадвал асосида олиб борилаётир. Тўгаракларда яқинда нашр этилган шеър, ҳикоя ва эртаклардан иборат 50 номдаги китоблардан самарали фойдаланилмоқда.
Мазкур муассасада Ўзбекистон Республикаси Халқ таълими вазирлиги томонидан Президентимизнинг 2016 йил 29 декабрдаги “2017–2021 йилларда мактабгача таълим тизимини янада такомиллаштириш чора-тадбирлари тўғрисида”ги қарори ижроси доирасида амалга ошириладиган ишларга бағишланган медиа-тур ўтказилди.
Қарорга мувофиқ, бу борадаги ишлар кўламини кенгайтириш мақсадида қисқа муддатда тизимда мактабгача таълимнинг янги муқобил шакли яратилди. Унга кўра мактабгача таълим муассасалари таркибида таълимнинг ушбу босқичига қамраб олинмаган 5-6 ёшдаги болалар учун қисқа муддатли – кунига 3-4 соатлик машғулотлар ўтиладиган мактабга тайёрлаш гуруҳлари ўз фаолиятини бошлади.
Ҳозир мамлакатимиз бўйича 2 минг 300 дан ортиқ ана шундай гуруҳлар ташкил этилиб, уларда 49 минг 243 нафар бола таълим-тарбия олмоқда.
Ушбу ҳужжат ижроси доирасида 2017–2021 йилларга мўлжалланган кенг кўламли комплекс чора-тадбирлар режаси ишлаб чиқилди. Унга кўра тизимда мавжуд “Болажон”, “Билимдон” дастурларини янада такомиллаштириш, шунга мос ўқув-методик адабиётлар яратиш, болаларни мактабга сифатли тайёрлаш учун муқобил дастурлар ишлаб чиқиш кўзда тутилади. Кўрилаётган чора-тадбирларнинг дастлабки натижалари сифатида тизимда фаолият олиб бораётган ходимлар ва оммавий ахборот воситалари вакиллари мактабгача таълим муассасаларига қамраб олинмаган болалар учун ташкил этилган қисқа муддатли гуруҳлар фаолияти билан таништирилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ИқтисодОИТСга қарши курашиш тизимини рақамлаштириш: инновациялар, долзарб муаммолар ва амалий ечимлар
Бугунги кунда мамлакатимизда ОИВ/ОИТС касаллигига қарши курашиш масаласига алоҳида эътибор қаратилмоқда. Хусусан, Президентимизнинг 2023 йил 20 январдаги “Одамнинг иммунитет танқис
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр