Келинг, “Ғунча” ўқиймиз!

Болажонлар мени танияпсизми? Қадрдон дўстингиз Ғунчаойман! Бу йил ҳам менга ҳамроҳ бўлишни хоҳлайсизми? Унда шошилинг, “Гунча”га 2014-йил учун обуна бошланди! Яна тенгдошларингиздан орқада қолиб кетманг-а?

Энг яқин алоқа бўлимига бориб, “Ғунча” журналига алоҳида обуна бўлсангиз, ҳар ойда эшигингизни қоқиб, кириб боравераман. Ана шунда саҳифаларимдаги бир-биридан қизиқарли комикс, эртак, шеър ва ҳикоялар, тез айтишу топишмоқларни мазза қилиб ўқиб бораверасиз.

Менинг индексим – 808, электрон манзилим эса гунча_2010@бк.ру

Саҳифаларимнинг электрон шаклини www.гунча.уз сайтида ҳам ўқишингиз мумкин!

ҒУНЧАОЙ

“Ғунча” чорлови

Учар гилам, учар гилам,

“Ғунча”ларни қучар гилам.

Болаларга салом айтгин,

Обунага чорлаб қайтгин.

Яна айтгин, биз ҳамиша

Улар билан биргадирмиз.

Янги режа, фикру ўйда

Қўл ушлашиб юрадирмиз.

Улар ёзган мактублардан

Саралаймиз гулдасталар.

Саҳифалар нур сочади,

Варақласангиз асталаб.

Заҳро ҲАСАНОВА

“Ғунча”севар бўривой

Кунлардан бир кун бизнинг Қизилқалпоқча “Ғунча” журналига обуна бўлиш учун бувиси ишлайдиган алоқа бўлимига кетаётган экан. Шошиб кетаётганида светофор олдида Бўрини учратибди. Тасодифан уларнинг суҳбати қизигандан-қизибди:

– Қаерга кетаяпсан Қизилқалпоқча? – сўрабди Бўри.

– Бувимнинг олдига. Обуна бўлимига. “Ғунча” журналига обуна бўлмоқчиман, – дебди қизча.

– “Ғунча”. Бу қандай журнал?

– Китоб, журнал ўқимаганинг гап-сўзингдан маълум Бўривой. Уни бутун Ўзбекистон болалари билади. Бир-биридан қизиқ комикс, топишмоқ, тез айтиш, бошқотирмалар – ҳаммаси “Ғунча”да бериб борилади.

– Ҳмм... журналинг ўзи қандай? Унда дўмбоққина болаларнинг расмлари ҳам бериб бориладими? Расмли бўлмаса зерикиб қоламан, – дебди Бўри тамшаниб.

– Қорнинг ҳам, кўнглинг ҳам тўқ бўлсин. “Ғунча” рангли журнал. Унинг “Қувноқ қаламлар” саҳифаси ўқувчилар чизган расмларга бой. Таниқли рассомларнинг ижодий ишлари журналнинг ҳар сонида бериб борилади...

– Бўлди, бўлди, Оппоғой, йўғ-эй, Қалпоғой мен танловларда қатнашиб, совғалар олишни яхши кўраман. Сен мақтаётган “Ғунча”да танловлар ташкиллаштириб туриладими?

– Журнал бир-биридан қизиқ танлов ва бошқотирмаларга бой. Ҳар бир варағи нақд хазина, – сўзини якунлабди Қизилқалпоқча.

Буни эшитган Бўривой почтага бориб, Қизилқалпоқчадан олдин журналга обуна бўлгиси келиб кетибди.

– Сен мана бу йўлдан бор – манзилингга тезроқ етасан, – деб узоқ йўлни кўрсатибди қизил қалпоқчага. Ўзи эса қисқа йўлни кесиб ўтиб, ҳаммадан аввал журналга обуна бўлибди. Шундан буён Бўри ёвузлигини ташлаб, тинимсиз “Ғунча” ўқиётган эмиш.