Мамлакатимиз таълим даргоҳларида энг замонавий шарт-шароитлар яратиш, уларнинг моддий-техник базасини мустаҳкамлаш, малакали ва етук кадрлар билан таъминлаш масаласи бугунги куннинг энг долзарб вазифаларидан бири саналади. Қувонарлиси, Самарқанд таянч тиббиёт коллежида ушбу йўналишда салмоқли ишлар амалга оширилмоқда.
Бугунги глобаллашув даврида илм-фан ва инновацияларнинг аҳамияти тобора ортиб бормоқда. Шу боис коллежда ташкил этилган “ИнноМед” тўгараги замонавий ахборот коммуникация воситалари билан жиҳозланган бўлиб, машғулот аъзолари 2018 йил ўтказилган “Инновацион ғоялар ва технологиялар” кўргазмасидаги фаол иштироки учун фахрий ёрлиқ, “Энг яхши инновацион фикрлаш” ҳамда “Йилнинг энг яхши ташкил этилган инновацион тўгараги” кўрик-танловида 1-ўринга лойиқ топилди.
Бугун замон ўзгармоқда, унинг талаби, олдимизга қўяётган вазифалари ҳам тобора ортиб бормоқда. Зеро, айни давр ҳар бир соҳа эгасидан ўз устида тинимсиз изланишни талаб этади. Шу маънода ушбу муассасада таълим бераётган ўқитувчилар – Я. Тожибоев ва Ғ. Хўжамуродов “Фавқулодда ҳолатлар тиббиёти” фанидан ўқувчилар ҳамда ўқитувчилар учун тайёрлаган электрон дарсликлар Ўзбекистон Республикаси Интеллектуал мулк агентлиги томонидан тасдиқланиб, у “Йилнинг энг яхши инновацион ғояси” кўрик-танловида 1-ўринга лойиқ кўрилди. Бу ҳам бўлса, муассаса ва унда таълим олаётган ўқувчилар салоҳиятини оширишда ўзига хос муҳим қадамдир.
Қолаверса, жорий йил “Касб моҳири” кўрик-танловининг вилоят босқичида коллежнинг иқтидорли ўқувчиси Комила Худойбердиева фаол иштирок этди. “Ёш инновациячи” кўрик-танловининг вилоят босқичида эса Мафтунахон Икромова 1-ўринни қўлга киритиб, республика босқичига йўлланма олди. Шу билан бир қаторда IX илмий-амалий конференцияда коллеж ўқувчилари муваффақиятли иштирок этиб, кўплаб фахрли ўринларни эгаллади. Уч нафар ўқувчи эса сертификат билан тақдирланди.
Мамлакатимизнинг халқаро майдондаги обрў-эътиборининг ортиши, муносиб ўрин эгаллашида таълим тизими, хусусан, тиббиёт соҳасининг ривожи муҳим ўринга эга. Шундай экан эл-юрт тақдирига қайғурадиган, мустақил фикрлайдиган, эл саломатлигига камарбаста кадрларни тарбиялаш ҳар бир тиббиёт муассасаси устоз-мураббийлари зиммасига улкан масъулият юклашини унутмаслик лозим.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ТабобатКомпьютер қаршисида узоқ вақт ишловчилар кўз касалликларидан қандай ҳимояланиши керак?
Бугун аксарият одамлар асосий вақтини компьютер қаршисида ўтказади. Айниқса, бу қурилма дизайнер, дастурчи, копирайтер, маркетолог, оператор каби кўплаб замонавий касб эгалари ва о
ТабобатҚандай ҳолатда ўт-тош касаллигини операциясиз даволаш мумкин?
Ўт пуфаги – овқат ҳазм қилиш тизимининг муҳим аъзоларидан бири. Шу сабабли унда кузатиладиган муаммолар организм фаолиятига салбий таъсир этади. Айниқса, ўт пуфагида ҳосил бўладига
ТабобатТиббиёт соҳасида халқаро илмий-амалий конференция
Мамлакатимизда вирусли гепатит касаллигини бартараф этиш масаласида жаҳон тажрибасини қўллаш бугунги кунда муҳим ўрин тутади. Айниқса, долзарб масалалар – гепатоцеллюляр карсиноман
ТабобатБуқоқ наслдан наслга ўтадими?
Буқоқ касаллиги насл суради. Жумладан, буқоқнинг тугунли, аутоиммун тиреоидит ва ёйма заҳар тури ота-онадан болага ҳам ўтиши мумкин. Бироқ саломатликка эътиборли бўлинса, шифокор к