ЖАВОҲИРЛАР САНДИҒИ (2014/43)

Инсон нотиқлиги, саодат тилдан,

Назокат тилдандир, нафосат тилдан,

Ҳаёт сабоқлари кўрсатур шуни,

Дўзах тилдан эрур ва жаннат тилдан.

* * *

Икки нарса ажратади инсонларни ҳайвондин,

Инсонлиги билинади ҳунар ила забондин,

Шундай экан, кишиларнинг энг улуғи ҳунарманд,

Ёки сўзга чечан киши, фикри равон, тили қанд.

Ибн СИНО

Гўзаллик юзда эмас, эй биродар,

Сўзи ширин киши ҳар кимга ёқар.

Сўзинг оз бўлсин-у, маъноли бўлсин,

Эшитганлар қулоғи дурга тўлсин.