Ҳавонинг ифлосланиши моддалар алмашинуви ва гормонал ҳолатнинг бузилишига сабаб бўлади
Фудан университети олимлари ҳавонинг ифлосланиши туфайли организмдаги стресс гормонлари миқдори ортишини аниқлади. Бу орқали нега ҳавонинг ифлосланиши юрак касалликлари, инсулт, диабет ва барвақт ўлим билан боғлиқлигини тушунтириб бериш мумкин, деб ёзади The Daily Mail нашри.
Тадқиқотда 55 нафар Шанхайда яшовчи соғлом талаба қатнашди. Шанхай Хитойнинг бошқа шаҳарларига қараганда ҳавоси ўртамиёна даражада зарарланган шаҳар ҳисобланади. Мутахассислар майда дисперсион заррачаларнинг иштирокчилар соғлиғига таъсирини баҳолади. Талабалар икки гуруҳга бўлинди. Биринчи гуруҳдагиларнинг хонасига ишлайдиган, иккинчи гуруҳникига ишламайдиган ҳаво тозаловчи аппаратлар тўққиз кунга қўйилди.
Кейин аппаратлар 12 кунга хонадан чиқариб ташланди. Сўнгра улар яна тўққиз кун муддатга хонага жойлаштирилди. Тадқиқотчилар ҳар бир босқич охирида қатнашчиларнинг қон ва сийдигини таҳлил қилишди. Тадқиқот натижасида, ҳаво тозалагичлари ишламайдиган хоналарда яшаган талабаларда стресс гормонлари, қондаги шакар миқдори, аминокислота ва ёғ кислоталари миқдори юқорилиги маълум бўлди.
Бундан ташқари, майда дисперсион заррачалар таъсири қон босимининг кўтарилиши ва инсулинга таъсирчанликнинг пасайиши билан ҳам боғлиқ. Бу вақт ўтиши билан диабет, юрак хасталиклари ва бошқа касалликларнинг пайдо бўлишига олиб келиши мумкин.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош