Мустақиллигимизнинг 27 йиллиги ва Қурбон ҳайити байрамини муносиб нишонлашга тайёргарлик кўриш, халқимиз орасида меҳр-оқибат ва ҳамжиҳатликни янада мустаҳкамлаш, маҳаллалар, аҳоли турар-жойларини ободонлаштириш ва республиканинг барча ҳудудларида санитария ҳолатини яхшилаш мақсадида жорий йил 18-19 август кунлари мамлакатимиз бўйлаб умумхалқ хайрия ҳашари ташкил этилди.
Шу кунлари маҳаллалар, аҳоли пунктлари, кўп қаватли уйлар ва бинолар, ҳовлилар атрофи, гузарлар, хиёбонлар, зиёратгоҳ, қабристон ва муқаддас қадамжолар тартибга келтирилди.
Биргина Фарғона вилояти шаҳар ва туманларида истиқомат қилаётган аҳоли ўзлари яшаётган, меҳнат қилаётган, таълим олаётган ҳудудларни, ариқ ва зовурлар, кўча ва хиёбонлар, муқаддас қадамжо ва қабристонларни тозалаш, ободонлаштириш ишларида фаоллик кўрсатди. Ҳашарнинг биринчи кунидаёқ, 1 миллионга яқин одам иштирок этди.
– Ҳашар халқимизга хос қадим ва олижаноб қадриятлардандир. Шу боис, ушбу тадбирда катта-ю кичик бирдек фаол иштирок этди. Хайрия ҳашарида юртдошларимиз ўртасидаги ҳамжиҳатлик, меҳр-мурувватга муҳтож кишиларга кўмак бериш, юртни обод қилишдек эзгу мақсадлар амалда ўз ифодасини топди, – дейди “Шоҳимардон” маҳалла фуқаролар йиғини раиси Рустамжон Тожибоев.
Мамлакатимизда бошланган ободонлаштириш ва тозалик ойлиги доирасида ўтказилаётган икки кунлик умумхалқ хайрия ҳашарида Сурхондарё вилоятидаги 717 маҳалла, 73 уй-жой ширкатлари уюшмаси, 7 олий таълим муассасаларида йирик ҳажмдаги ишлар бажарилди. Умумтаълим мактаблари, ўрта махсус касб-ҳунар таълими, маданият ва тиббиёт муассасалари, корхона ва ташкилотлар жамоалари ҳам ушбу тадбирда фаол қатнашди.
– Аждодларимиз минг йиллардан буён эъзозлаб келаётган миллий қадриятларимизнинг бир бўлаги бўлган ҳашарда маҳалламиз аҳли фаол иштирок этди, – дейди Термиз шаҳридаги “Ўзбекистон” маҳалла фуқаролар йиғини раиси Дилфуза Тошбоева. – Асосий қисми кўп қаватли уйлар бўлган маҳалламизда турли миллатга мансуб 4 минг 635 нафар киши аҳил-иноқ яшайди. Уларнинг 1 минг 440 нафари 30 ёшгача бўлган ўғил-қизлардир.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш