ГУЛЛАР

Бугунги ёшларимизнинг интилувчанлиги, изланувчанлиги, яратилган имкониятлардан оқилона фойдаланиб, эришаётган муваффақиятларидан дилинг қувончга тўлади. Муҳаббат Қаюмжонова ҳам ана шундай иқтидорли ёшлардан бири. У Тошкент шаҳри Сергили туманидаги 266-умумтаълим мактабининг 8-синфида аъло баҳоларга ўқиши билан бирга, ўзининг содда, беғубор ички кечинмаларини қоғозга туширади.

Камсуқум, нигоҳларида самимият балқиб турган қизалоқ келажакда иқтидорли журналист бўлиш истагида. Шунинг учун Муҳаббат Қаюмжонова ҳозирданоқ инглиз тилини ўрганишга қатъий киришган. Бўш вақтларини қизиқарли китобларни мутолаа қилиш билан биргаликда спорт билан мунтазам шуғулланиб ўтказишни хуш кўради. Ижодкордаги синчковлик, кузатувчанлик янги ижод намуналарига замин ҳозирлайди. Шунинг учун Муҳаббат кўпинча атрофни, борлиқни кўпроқ кузатишга интилади.

Эндигина нашрдан чиқиш тадоригида турган "Бахт ифори", "Қалдирғоч" номи остидаги шеърий тўпламлари ҳам айнан ёш ижодкорнинг кўнгил розларидан яралган туҳфаси ҳисобланади.

ГУЛЛАР

Боғимизда пушти, нафармон,

Қийғос бўлиб очилган гуллар.

Улар жажжи руҳимга дармон,

Улар мени бахт сари йўллар.

Кел-эй, кўнглим, чаманзор аро,

Сайр айлагин, тўйиб нафас ол.

Тонгнинг титроқ нафаси ахир,

Атиргулнинг лабидаги хол.

Қара, қуёш бир лаҳза тўхтаб,

Гулзор аро чўзаётир қўл.

Ҳар куни ҳам чаманзор бўйлаб,