Мустақиллик йилларида соғлом турмуш тарзини тарғиб этиш, аҳоли орасида жисмоний маданиятни шакллантириш, хотин-қизлар, болалар ўртасида ҳамда оилавий спортни ривожлантириш, қишлоқ жойларида спортни янада оммалаштириш, аёл мураббийларни рағбатлантириш борасидаги ислоҳотлар амалда ўз аксини топмоқда.
Хабарингиз бор, ўтган йили ўзбекистонлик гимнастикачиларимиз юртимиз байроғини кўкларга кўтариб, халқаро чемпионатларда зафар қозониб қайтдилар. Ҳозирда асосий терма жамоамиз 2013 йилда Жанубий Африка Республикасида ўтадиган мусобақаларга тайёргарлик кўришмоқда.
Юртбошимизнинг ташаббуси билан тобора кенг кўлам касб этаётган “Соғлом она – соғлом бола” тамойиллари асосида хотин-қизларнинг спорт билан шуғулланиши учун барча шароит яратилганлиги ушбу ғалабаларнинг асосини ташкил этади десак муболаға бўлмайди. Бугун юртимизда 2 миллион нафарга яқин хотин-қиз жисмоний тарбия ва спортга жалб этилган. Улар орасида, айниқса, бадиий ва спорт гимнастикаси, акробатика, трамплин, замонавий рақс ва фитнес машғулотларини ўзида бирлаштирган гимнастрада спорти тобора оммалашмоқда. Ушбу спорт турлари бўйича кўплаб мусобақа, фестиваль ва спартакиадаларнинг ташкил этилаётгани бунда муҳим омил бўлаётир.
Жорий йилнинг 24-25 ноябрь кунлари Ўзбекистон Хотин-қизлар қўмитаси, Маданият ва спорт ишлари вазирлиги, Гимнастика федерацияси ва Халқ таълими вазирлиги ҳузуридаги Болалар спортини ривожлантириш жамғармаси ҳамкорлигида “Гимнастика барча учун” Ўзбекистон очиқ чемпионати ташкил этилди.
“Универсал” спорт саройида ўтказилган анъанавий “Гимнастика барча учун” Ўзбекистон очиқ чемпионатида 500 нафарга яқин спортчи ғолиблик учун баҳслашди. Улар орасида мактаб ва коллеж ўқувчилари билан бир қаторда уй бекалари, корхона ва ташкилот ходимларининг ҳам борлиги мамлакатимизда спорт аҳолининг барча қатлами ўртасида кенг оммалашаётганини намоён этди.
Икки кун давом этган ушбу мусобақада композициясининг мазмун-моҳияти, ижро маҳорати, иштирокчиларининг рақс ва гимнастика элементларини бажариш қобилияти билан ажралиб турган Тошкент шаҳри, Қорақалпоғистон Республикаси, Тошкент, Самарқанд, Навоий, Қашқадарё ва Жиззах вилоятлари жамоалари турли номинациялар бўйича ғолибликни қўлга киритди. Мусобоқа дастурида бу йил илк маротаба турли вазирлик ва идораларда фаолият юритаётган хотин-қизлар ўртасидаги баҳслар ташкил этилиб унда, Ўзбекистон Олий ва ўрта махсус таълим вазирлиги ходимлари биринчи ўринни эгаллади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларКузги аллергия шамоллаш ва гриппдан қандай фарқланади?
Куз фаслида бурун оқиши, аксириш, йўтал, кўз ёшланиши ва қичишиши каби белгилар тез-тез учрайди. Кўпчилик бундай аломатларни шамоллаш ёки грипп билан боғлайди. Аслида эса улар мавсумий аллергиядан ҳам дарак бериши мумкин. Хўш, кузги аллергиянинг асосий сабаблари нималар? Уни ЎРВИ ва гриппдан қайси белгилари орқали фарқлаш мумкин?
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош