уни ривожлантиришда интернетнинг тутган ўрни
Жорий йилнинг 18-19 сентябрь кунлари Тошкентдаги “Dedeman Silk Road” меҳмонхонасида бўлиб ўтган “Миллий интернет-журналистикасини ривожлантиришнинг долзарб масалалари” республика илмий-амалий семинари интернетнинг журналистика соҳасида тутаётган ўрнини янада яққол кўрсатиб берди.
Бугунги кунда “.uz” доменида фуқаролик журналистикаси деб ном олган янги йўналиш вужудга келди. Айни пайтда миллий интернет сайтларимиз сони 18 мингдан ортди. “.uz” доменининг рўйхатга олинганидан буён йигирма йил ўтганини ҳисобга оладиган бўлсак, виртуал медиа ривожи шиддатини тасаввур қилиш қийин эмас. Кибер муҳитда Оммавий ахборот воситаларининг фаоллиги ҳам ортиб бораётганини инобатга олсак, ахборот майдонидаги манзара яққол намоён бўлади. Хусусан, ҳозир интернет тизимида фойдаланувчиларга 270 дан зиёд тармоқ ОАВ ахборот-таҳлилий хизматларни тақдим этмоқда.
Анжуманда фуқаролик журналистикаси ва блогсфера феноменларининг моҳиятини тадқиқ этиш, унинг ривожланиш йўналишларини аниқлаш ҳам асосий масалалардан бири бўлди. Давр воқеликлари ва масс-медиа тараққиётига блогерларнинг кўрсатаётган таъсири, айниқса, жиддий баҳс-мунозараларга сабаб бўлди. Юзлаб интернет фойдаланувчилар учун чинакам минбар вазифасини ўтаётган блог соҳанинг мавжудлиги, унда қатор ижтимоий, сиёсий, маданий тематикаларга оид “пост”лар, мулоҳазали, таҳлилий материалларнинг эълон қилинаётгани фуқаролик жамиятининг ютуғидир. Қолаверса, “Ахборотлаштириш тўғрисида”ги Қонунга жорий йилнинг 5 сентябрь куни киритилган ўзгартириш ва қўшимчалар соҳанинг кейинги тараққиётида муҳим аҳамият касб этади. Қонунчилик ҳужжатига илк бор “блогер” тушунчаси киритилди. Шунингдек, қонунда уларнинг фаолиятига доир талаблар ҳам белгилаб қўйилди. Бу фуқаролик журналистикасининг ҳам профессионал ОАВ вакиллари билан бир қаторда узатаётган ахборотининг ҳаққонийлиги учун жавобгар бўлишларини ҳуқуқий жиҳатдан кафолатланишидир. Энди блогер ўзи ҳавола этаётган ҳар қандай хабар учун масъулиятни ўз зиммасига олади ва бу жамият ҳаётида ахборот шаффофлигини таъминлашда қўл келади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчилар чиқишлари ҳарбийлар олқишида
Шайхонтоҳур туманидаги 10-умумтаълим мактабида "Хотиралар тўлқини" номли тадбир ўтказилди. Унда ўқувчиларнинг жанговор чиқишлари, улар иштирокидаги саҳна кўринишлари ва куй-қўшиқла
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш