Полвонзода мактабда аъло баҳоларга ўқир эди. Лекин оиласидаги эътиборсизлик туфайли 16 баҳорни қаршилаган ўсмир дастлаб ўқишни сусайтирди, кейинчалик тарбиясида нуқсони бўлган тенгдошларига қўшилиб, тўғри йўлдан ҳам адашди. Унинг кўчада майда безориликлар билан шуғулланиб юргани маҳалла профилактика инспекторининг назоратидан четда қолмади.
Шайхонтоҳур туманининг Кўкча маҳалласида профилактика кунига бағишланган тадбирда 2001 йилда туғилган Полвонзода Жумаев ва 1997 йилда туғилган Андрей Колобовнинг содир этган жинояти муҳокама этилди.
Туман ички ишлар бошқармаси ходимларининг маълумот беришича, жорий йилнинг 11 август куни тахминан тунги 03:00 дан 03:30 гача бўлган вақт оралиғида иккала ўсмир ўзганинг мол-мулкини яширин талон-тарож қилиш мақсадида жиноятга қўл урган. Улар Шайхонтоҳур туманида истиқомат қилувчи Камолиддин Маҳкамовга тегишли давлат рақами 01 А 655 YA белгили "Спарк" русумли автомашина олд эшиги қулфини бузиб, машина ичидан буюмлар излаётган пайтда туман ички ишлар идоралари ходимлари томонидан қўлга олинган.
Мазкур ҳолат юзасидан Шайхонтоҳур тумани ИИБ ҳузуридаги тергов бўлими томонидан Ўзбекистон Республикаси Жиноят Кодексининг тегишли моддаси билан жиноят иши қўзғатилди.
– Президентимиз Шавкат Мирзиёев ташаббуси билан ҳафтанинг пайшанба кунлари ўтказилаётган профилактика тадбирлари ҳудудларда осойишталикни янада мустаҳкамлашда юксак самаралар бермоқда, – дейди Шайхонтоҳур тумани ИИБ Оқтепа маҳалласи профилактика инспектори Абдуғаффор Набиев. – Бунинг натижасида тадбирда қатнашаётган маҳаллий аҳоли аввало, фарзандлари, қўни-қўшни, қариндош уруғларини содир этилаётган жиноятлардан тегишли хулоса чиқариб, доимо ҳушёр ва сергак бўлишга, ўсиб келаётган ўғил-қизларни бундай ҳолатлардан узоқ бўлишга ундамоқда.
Ўсмирлар томонидан содир этилган жиноятлар профилактика тадбирига йиғилган маҳалла фаоллари, ҳудуд аҳолиси ва туман ички ишлар бошқармаси ходимлари билан биргаликда таҳлил этилди. Уларнинг ота-онасига фарзанд тарбияси энг биринчи галдаги вазифалардан экани уқтирилди.
Даврон Суннатов,
ЎзА
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларАломатларсиз иситма нима сабабдан чиқади?
Иситма – турли касалликлар белгиси. Аммо тиббиётда аломатларсиз тана ҳарорати кўтарилиши ҳолатлари ҳам учраб туради. Бундай вазиятда янглиш ташхис ва нотўғри муолажа беморнинг сало
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти