«Соғлом авлод учун» халқаро хайрия фонди аҳолининг ижтимоий муҳофазага муҳтож қатламларини қўллаб-қувватлашга алоҳида эътибор қаратиб келмоқда. Соғлиқни сақлаш вазирлиги ва Германиянинг «Peace Village International» халқаро ташкилоти билан тузилган 3 томонлама шартнома доирасида ҳар йили 2 марта барча ҳудудлардан бемор болалар Германиянинг нуфузли клиникаларига даволанишга юбориляпти.
18 йилдан буён 12 ёшгача бўлган бемор болалар бепул даволаб келинаётир. Ижтимоий ҳимояга муҳтож, эҳтиёжманд оила фарзандларига кўрсатилаётган ёрдам туфайли кўплаб беморлар соғлом ҳаётга қайтмоқда.
Шу ўринда айтиш керакки, 2002-2020 йиллар давомида 395 нафар бола тананинг куйиш асоратлари, туғма ошқозон-ичак, сийдик ва нафас йўллари ҳамда таянч-ҳаракат тизими туғма ва ортирилган нуқсонлари ҳамда бошқа ташхислар билан Германиянинг нуфузли клиникаларида даволаниб қайтишди.
Шу йилнинг февралида 8 нафар бола ГФР клиникаларига даволанишга юборилди. Шунингдек, илгари даволанишга кетганлардан 10 нафари соғломлаштирилиб, ота-оналари бағрига қайтиб келди. Бугунги кунда 16 нафар бола даволанишни давом эттирмоқда.
2017-2019 йилларда 600 нафардан ортиқ юрак туғма нуқсони бўлган бемор болаларда бепул операциялар амалга оширилди. Жумладан, Германиянинг «Фриеденздорф интернейшнл» халқаро хайрия ташкилотининг грант маблағлари доирасида мураккаб турдаги юрак туғма нуқсонлари бўлган бемор болаларнинг 19 нафари «Эра Мед» клиникасида, 17 нафари «Эзгу ният» МЧЖ клиникасида, 8 нафари Самарқанд вилояти болалар кўп тармоқли тиббиёт марказида, 11 нафари Самарқанд вилояти «Мақсуд Акмал юрак-қон томир маркази» МЧЖда операция қилинди. Шунингдек, «Фриеденздорф интернейшнл» халқаро ташкилоти грант маблағлари доирасида юрак туғма нуқсони бўлган 39 нафар бола ТошПМИ клиникасида жарроҳлик амалиётидан муваффақиятли ўтди.
«Соғлом авлод учун» халқаро хайрия фонди томонидан жорий йилнинг 9 ойи мобайнида юрак туғма нуқсони бўлган 94 нафар бемор бола операция қилинди. Шунингдек, юқори лаб ва танглайнинг нуқсони, оёқ ҳамда бўйиннинг ортопедик нуқсони ва куйишдан кейинги нуқсонлари бўлган 33 нафар бола Тошкент давлат стоматология институти клиникаси, Андижон ва Қашқадарё вилоятлари болалар кўп тармоқли тиббиёт марказларида жарроҳлик йўли билан соғломлаштирилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларБолалар церебрал фалажи – умрбод даволанишни талаб қиладими?
Таҳлилларга кўра, ҳозир дунё бўйича болалар церебрал фалажидан азият чекаётган 17 миллион нафар бемор рўйхатга олинган. Аммо ушбу касаллик кўпинча кеч босқичда аниқланишини инобат
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти
СаломатликЎқувчилар таомномаси қандай бўлиши лозим?
Соғлом фарзанд оила қувончи, ота-онанинг бахти, ҳаёт давомчиси ҳисобланади. Шу боис ҳар бир оилада бола парваришига, унинг соғлом таомланишига алоҳида эътибор қаратилади. Ўғил-қизл