Ҳозирда дунёнинг 30 дан ортиқ давлатларида Болалар омбудсмани фаолият юритади. Уларнинг асосий вазифаси Бола ҳуқуқлари тўғрисидаги конвенция қоидаларини қонунчиликка татбиқ этиш, боланинг шахси, шаъни, қадр-қиммати, ҳуқуқ, эркинлик ва қонуний манфаатлари ҳимоясига бутун жамият ва давлатни фаол жалб этишдан иборатдир. Ўзбекистонда ҳам мазкур институтни жорий этиш масаласи кўриб чиқилмоқда.
Олий Мажлис Қонунчилик палатаси демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси Инсон ҳуқуқлари бўйича Ўзбекистон Республикаси Миллий маркази билан ҳамкорликда ташкил этган давра суҳбатида бу ҳақида батафсил сўз юритилди. Унда ЮНИСЕФнинг Европа ва Марказий Осиё бўйича минтақавий директори Афшан Хан иштирок этди.
Акмал САИДОВ,
Олий Мажлис Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси раиси:
– Бугун Ўзбекистонда болаликни ҳимоя қилиш миллий тажрибаси Конституция, кодекслар, “Бола ҳуқуқларининг кафолатлари тўғрисида”ги,“Ёшларга оид давлат сиёсати тўғрисида”ги каби 100 дан ортиқ қонунлар ва бошқа норматив-ҳуқуқий ҳужжатларда аксини топган. Ўзбекистон Республикаси Президенти ҳузурида иш бошлайдиган Болалар ва ёшлар ҳуқуқлари бўйича вакил соҳада давлат органлари ва мансабдор шахслар фаолияти устидан жамоатчилик назорати ҳамда жамоатчилик бошқарувини ривожлантиради. Болалар ва ёшларнинг мурожаатлари билан ишлашнинг янги шакл ва тартибларини ишлаб чиқади. Жамиятнинг энг ёш фуқаролари билан мулоқот қилиш, уларнинг муаммоларини ҳал этишда амалий ёрдам кўрсатиш ҳам унинг масъулиятидаги вазифалардан. Янги қонун ёш авлод ҳуқуқларини ҳимоя қилишнинг мукаммал миллий тизимини яратади.
Мамлакатимиз аҳолисининг 30 фоизи ёки 10 миллиондан ортиғини айнан ёшлар ва болалар ташкил этади. Шу боис, халқаро экспертлар бу ҳақида тўхталганда, “Ўзбекистон ёш, мустақил ва динамик тарзда ривожланаётган давлат” эканига алоҳида урғу беради. Бу эса ўз навбатида болалар ва ёшларнинг жисмоний, интеллектуал ҳамда маънавий-ахлоқий ривожланишини юқори даражада таъминлашга қаратилган тадбирларни амалга оширишни давлат сиёсатининг устувор йўналишига айлантирмоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар церебрал фалажи – умрбод даволанишни талаб қиладими?
Таҳлилларга кўра, ҳозир дунё бўйича болалар церебрал фалажидан азият чекаётган 17 миллион нафар бемор рўйхатга олинган. Аммо ушбу касаллик кўпинча кеч босқичда аниқланишини инобат
Тиббий сабоқларXXI асрнинг янги эпидемияси: телефонга қарамлик болаларнинг саломатлигига қандай таъсир кўрсатади?
Бугун гаджетлар ҳаётимизнинг ажралмас қисми, турли вазиятларда «ёрдамчи»мизга айланган. Керакли маҳсулотни харид қилиш, бирон инсон билан тез боғланиш, зарур маълумот олиш ёки юбор
Тиббий сабоқларБолалардаги тошмалар қандай хасталик белгиси?
Мана, куз ҳам ниҳояламоқда. Салқин кунлар бошланган. Демак, ҳозир мавсумий аллергик хасталиклар авж оладиган пайт. Шулардан бири – чақалоқлар, болалар ва ўсмирлар ўртасида кўп учра
СаломатликБир ёшгача бўлган болалар: нима мумкин эмас?
Соғлиқни сақлаш вазирлиги ташаббуси билан юртимиз бўйлаб ўтказилган «Боланинг соғлом овқатланиш ҳафталиги» муносабати билан вазирлик Матбуот хизмати гўдакнинг соғлом улғайишида она