Бодроқ

Иссиқ қозон бағрида,

“Дикир-дикир” сакрайсан.

Куймасин деб бўй-бастим,

Гўё "жон"инг асрайсан.

Ёриласан "тарс-турс" деб,

Ерга тушган тарвуздек.

Буркансанг оқ либосга,

Маза, дейди укам еб.

“Беғараз” ёрдам

Юриб турган трамвай

"Касал" бўлиб тўхтади.

Дўсти келиб ортидан,

Ҳазиллашиб "чўҳ" лади.

Ҳожат йўқ, деб ташвишга,

"Темир қўлин"узатди.

Эринмайин авайлаб,

Саройгача кузатди.

Ялпиз

Юрсанг ариқ ёқалаб,

Қулоғимни кўрасан.

Чимдиб олсанг шунчаки,

Фироғимни кўрасан.

Билсанг ҳидим шу палла,

Атирдан ҳам аълодир.

Есанг оҳ-оҳ маза-ю,