БИЛИМ БАҲСДА СИНАЛАДИ

Коллежимизда ҳар йили “Зулфияхоним қизлари” кўрик танлови ўтказилади. Ўтган йили унда “Даволаш иши” бўлими 1-босқич 9-гуруҳ ўқувчиси Моҳиниса Юсуфжонова ва “Ҳамширалик иши” бўлими 1-босқич 25-гуруҳ ўқувчиси Мафтуна Қаҳрамонова Адабиёт йўналиши бўйича ғолиб деб топилди ва “Зулфияхоним қизлари” кўрик танловининг туман босқичида иштирок этишди ҳамда диплом билан тақдирланишди.

Мазкур ўқув йилида “Келажак овози” кўрик танловининг шаҳар босқичида коллежимиздан 18 нафар ўқувчи 3 та “анънавий ва амалий санъат”, “адабиёт” ва “публисистика”, “архитектура” ва “дизайн” номинациялари бўйича иштирок этишди. “Ҳамширалик иши” бўлими 14-гуруҳ ўқувчиси Елена Иванова “Сиз Озарбайжон ҳақида нималарни биласиз?” мавзусида ўтказилган иншолар танловининг шаҳар босқичида муваффақиятли иштирок этиб, Озарбайжон Республикасига 2 ҳафталик саёҳат йўлланмасини қўлга киритди. Коллеждаги “Нафосат” клуби аъзоси Мохинисо Юсуфжонованинг “Дилимдаги гавҳарим” номли шеърий тўплами китоб сифатида чоп этилди. Фаёза Абдуллаева “Янги авлод”, “Келажак овози” “Зулфияхоним қизлари” танловларида муносиб қатнашиб, дипломлар олишга эришдим.

Улар билан сафдошлигим мени ҳамиша руҳлантиради. Ўқув муассасамизда бу йилги “Зулфияхоним қизлари” беллашувда ғолиблик насиб қилди ва туман босқичида қатнашишга муяссар бўлдим. Беллашувлар руҳиятимизни юкасалтиради, билимимизни оширади. Дунёқарашимизни кенгайтиради.