Инсон саломатлигини муҳофазалашда замонавий тиббий ёрдам билан бир қаторда аҳоли ва тиббиёт муассасаларини сифатли дори-дармон билан таъминлаш муҳим омил ҳисобланади.
Мамлакатимизда жадаллик билан амалга оширилаётган тиббий-ижтимоий ислоҳотларнинг бугунги босқичида бу борадаги вазифалар ижросига устувор аҳамият қаратилмоқда. Хўш, бунга эришилмоқдами? Соғлиқни сақлаш вазирлиги томонидан ўтказилган матбуот анжманида ушбу савол атрофидаги муҳокамалар йиғилганлар диққат-марказида бўлди.
Хусусан, кейинги икки йилда соҳанинг ҳуқуқий асосларини такомиллаштириш мақсадида йигирмага яқин ҳуқуқий ҳужжатлар қабул қилинди. Улар асосида фармацевтика тармоғининг давлат бошқаруви тизими қайта кўриб чиқилиб, вазирлик ҳузурида Фармацевтика тармоғини ривожлантириш агентлиги ташкил этилди, маҳаллий ишлаб чиқарувчиларга солиқ ва божхона имтиёзлари берилди.
Эътиборли жиҳати, давлат тиббиёт ташкилотларига дори воситалари ва тиббий буюмлар сотиб олиш учун 2018 йилда 914,6 млрд. сўм, яъни 2017 йилга нисбатан 2,5 баробар кўп маблағ йўналтирилди. Шунингдек, халқаро амалиётни ҳисобга олган ҳолда асосий касалликларга ташхис қўйиш, уларни даволаш ва клиник протоколлар стандартларининг янги жадвали тасдиқланди.
Маълумки, аҳолининг дори-дармонга бўлган эҳтиёжини тўлиқ қондириш учун фармацевтика саноатини янада ривожлантириш, самарали ва шифобахш тиббий воситаларни ўзимизда ишлаб чиқариш муҳим аҳамиятга эга. Эътиборли жиҳати, фармацевтика саноатига ихтисослашган эркин иқтисодий зоналарнинг ташкил этилиши соҳанинг истиқболдаги тараққиётини белгилашда муҳим омил бўлмоқда.
Фармацевтика корхоналаримиз томонидан ишлаб чиқарилаётган замонавий дори-дармонни аҳолига етказиб бериш ҳам муҳим вазифа. Ушбу мақсадда ҚВПлар, қишлоқ оилавий поликлиникалари ва бошқа бирламчи тиббиёт муассасалари қошида ижтимоий дорихоналар ташкил этилмоқда. Айни пайтда жойларда 2200 дан ортиқ шундай дорихоналар фаолияти йўлга қўйилди. 13 та “Isuzu” ва 100 та “Damas” русумли машиналарда кўчма дорихоналар олис ва тоғли ҳудудларда яшайдиган аҳолига хизмат кўрсатмоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқлар“ДОРИ-ДАРМОН” – САЛОМАТЛИК САРИ ИНТИЛИШДА
Дунёда энг қимматбаҳо неъмат — бу саломатликдир. Шу боис инсон зоти доим саломат бўлишга интилади. Бошига беморлик тушганида дарҳол табобат усули ёки тиббий дори-дармонлардан фойда
СиёсатТиббий ислоҳотлар – амалда
Бугунги кунда мамлакатимизда соғлиқни сақлаш тизимини янада такомиллаштириш, тиббий хизмат сифати ва кўламини янада ошириш, аҳоли саломатлигини мустаҳкамлаш ва уларни сифатли дори-
Тиббиёт оламиДорихона ходими беморга дори воситасини тавсия қилиши тўғрими?
Дори воситалари ва тиббий буюмларни чакана реализация қилиш Вазирлар Маҳкамасининг 2017 йил 6 апрелдаги 185-сон қарори билан тасдиқлаган низомга асосан амалга оширилади. Унга мувоф
СаломатликОна сути ўрнини энг сифатли сунъий озуқалар ҳам босолмайди
Она сути – гўдаклар учун энг мукаммал озуқа. Унинг таркибида чақалоқларни кўплаб касалликлардан ҳимоя қилувчи антитаналар мавжуд. Шу боис халқаро ҳужжатларда гўдакларни 6 ойгача ис