Бугунги кунда бозорларимизга тушган кишининг кўзи қувнайди. Савдо расталарида топилмайдиган маҳсулотнинг ўзи йўқ. Истаганингизни ҳарид қилишингиз мумкин. Афсуски, “гуруч курмаксиз бўлмаганидек” сотувчилар орасида ҳам ўзгалар ҳаққига хиёнат қилаётганлари учраб туради. Яқинда бир онахондан эшитганларимни сиз билан баҳам кўргим келди:
– Гуруч сотаётган ёш бир йигит маҳсулотини тинмай реклама қиларди. Гуруч танлаётганимни кўриб, холажон бир килограмм бўлсаям шу гуручдан олиб кўринг, кейин яна қайтиб келасиз. Мазаси оғзингизда қолади. Айниқса, ошни сайратиб юборади-да, деб роса мақтади. Майли, озроқ олиб кўрайчи деб, икки килограмм торттирдим.
Бошқа растадан икки килограмм майиз олдим. Сумкага жойлаётсам, майизнинг вазни анча оғир кўринди.
Тарозингиз, тўғрими, синглим? Негадир яқинда олган гуручим енгилроқ, майиз эса оғирроқ туюляпти, дедим.
Тарозим тўғри, келинг гуручингизни тортиб кўрамиз. Гуруч ҳам икки киломиди? Одамларни алдаб, мол сотиш гуноҳ, деди-да гуручни тарози посонгисига қўйди.
Нақ ярим кило кам чиқди-я, холажон. Шунчаликка ҳам борадими? Олганингизга кўп бўлмаган бўлса, тезда қайтариб беринг. Килосини тўғри қилиб қайта тортиб берсин, деб аёл гуруч олган жойимга боришга ундади.
Ўғлим, ҳозиргина олган гуручимдан, ярим кило кам чиқди. Онангиз тенги аёлни ҳам алдайсизми? Ярим кило ҳам урадими, дедим. Бўлиши мумкин эмас, беринг-чи қайта тортиб кўрай. Сотувчи йигит гуручни ўлчаркан, хижолат тортган одамдек, узр, холажон, узр деб кечирим сўради. Тарозининг темири бироз қийшайиб қолган экан. Мана, яна қўшиб, тортиб бераман, деб сумкага бир-икки ҳовуч яна гуруч ташлади.
Қайтаётсам, майиз сотувчи аёл тўхтатиб, холажон, бошқатдан ўлчаб бердими, айбини тан олдими, ишқилиб, деб сўради.
Барака топсин, сал хатолик бўлибди, қайта тортиб берди, дейишимга қарамай олдига чақириб олди. Нима бўлгандаям, яна бир ўлчаб кўрайлик, деб тарозисига қўйди. Қаранг, яна 100 грамм кам чиқса денг. Бу сафар ўзимнинг жаҳлим чиқиб кетди. Гуручни олиб сотувчи йигитнинг олдига қўйдим. Пулимни қайтариб бер, ноинсофлик ҳам шунчалик бўлар! Ахир, эртага бунинг жазоси борлигини билмайсанми? Яна 100 грамм урибсан-а? Ёш болага алдангандан кўра, ош емай қўя қолай. Пулимни бер, дедим.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ИқтисодОИТСга қарши курашиш тизимини рақамлаштириш: инновациялар, долзарб муаммолар ва амалий ечимлар
Бугунги кунда мамлакатимизда ОИВ/ОИТС касаллигига қарши курашиш масаласига алоҳида эътибор қаратилмоқда. Хусусан, Президентимизнинг 2023 йил 20 январдаги “Одамнинг иммунитет танқис
ИқтисодЯнги лойиҳа: малина қандай етиштирилмоқда?
Бугунги кунда мамлакатимизда қишлоқ хўжалиги махсулотларини етиштиришда илғор ютуқларга эришилмоқда. Жумладан, 2023 йилда "Мева-сабзавотчилик тармоғида қўшимча қиймат занжири ярати
ИқтисодЎзбекистонда инклюзив рақамлаштириш ва бизнес жараёнларни аутсорсинг қилиш
Ўзбекистон Республикаси Ахборот технологиялари ва коммуникацияларни ривожлантириш вазирлиги, БМТ Тараққиёт дастури, Жаҳон Банки билан ҳамкорлигида “Ўзбекистонда инклюзив рақамлашти
ИқтисодМЕТРОЛОГИЯ — ЖАҲОН ОЙНАСИДА
Сўнгги йилларда мамлакатимизда миллий метрология соҳасида ўлчашлар натижаларининг халқаро даражада эътироф этилишини таъминлаш мақсадида Ўзбекистон Давлат метрология муассасаларини